Polistirol P

ПОЛИСТИРОЛ [-СН2-СН (С6Н5)-]П —стиролнпнг чизиқли полимери, ранг-сиз ёки сарғиш шишасимон шаффоф модда, мол. м. 30000—500000, зичлиги 1060 кг/мҳ шишаланиш температураси 93°. Саноатда стиролни полимерлаб олинади. Диэлектрик хоссаси юқори, ароматик углеводородларда, кетон, эфир ва алдегидда эрийди; спиртда эримайди; сув, кислота ва ишқорлар таъсирига чидамли. П. ни қуйиш, пресслаш ва бошқа усуллар билан қайта ишлаб олиш мумкин. Шнекли прессда ишлов бериб юпқа электр изолясия плёнкалари (стирофлекс) тайёрланади. Карбонат ангидрид гази, азот билан кўпиклаштириб пенопласт ҳосил қилинади. Юқори частотали диэлектриклар тайёрлашда, уй-рўзғор ва техника буюмлари ишлаб чиқаришда қўлланади.