Polvonquli qoʻrchi
Mulla Polvonquli qoʻrchi — Buxoro amirligi hukmdori Amir Shohmurodning Rossiyadagi elchisi[1].
Elchilik
Buxoro elchiliklari Rossiyaga 1717, 1734, 1735, 1736, 1739, 1740, 1743, 1763, 1774 va 1779-yillarda yuborilgan.
1797-yilda amir Shohmurod oʻsha davr xalqaro siyosatiga oid vazifalarni hal etish uchun Polvonquli qoʻrchi boshchiligidagi elchililarni Rossiyaga joʻnatadi. Gap shundaki, Buxoro xonligining janubiy chegaralarida Eron tomonidan harbiy harakatlar xavfi paydo boʻlgan edi. U yerda Gruziyaga yurish qilgach (1795-yil), oʻzini shoh deb eʼlon qilgan qojar qabilasining boshligʻi Ogʻa Muhammadxon hokimiyat tepasiga kelgandi. Rossiyaning Kavkazdagi manfaatlaridan xabardor boʻlgan Shohmurod Eron bilan yuz berishi mumkin boʻlgan toʻqnashuvda Rossiya koʻmagini olishga qaror qilib, u yerga elchilar yuboradi.
1797-yil 3-mayda mulla Polvonquli qoʻrchiga Pavel I ning yorligʻi va kansler A. A. Bezborodkoning amirga yoʻllagan maktubi topshiriladi. Rossiya hukumati Shohmurodning harbiy yordam soʻrab qilgan iltimosini rasman rad etib, xonlar oʻrtasida tinchlik va doʻstlikni saqlashni maslahat beradi[2].
Manbalar
- ↑ „BUXORO VA ROSSIYA ELCHILIK MUNOSABATLARI (BENEVENI ELCHILIK MISOLIDA)“ (2026-yil 12-may).
- ↑ Гуломов 2006, s. 46.