Pomir stadioni
Помир стадиони, Душанбе марказий республика стадиони (тожикча: Варзишгоҳи марказии Тоҷикистон) — Тожикистон пойтахти Душанбе шаҳрида жойлашган спорт стадиони. Арена 1946-йилда қурилган ва 24 000 кишини сиғдира олади. Стадион Тожикистон терма жамоаси ва „Истиқлол“ футбол клубининг уй аренаси ҳисобланади.
 | |
| Жойи |
 Тожикистон , Душанбе |
|---|---|
| Қачон қурилган | 1946-йил |
| Қачон очилган | 1946-йил |
| Ҳажми | 24.000 |
| Майдон ўлчами | 112х72м |
| Майдон эгалари | |
| Помир, Истиқлол, Ситора, Варзоб ва Тожикистон МТЖ | |
Тарихи
Стадион Душанбе шаҳрининг ўнг қирғоғининг марказий қисмида, Исмоил Сомоний шоҳ кўчаси ва Низомий Ганжавий кўчаси оралиғида, Душанбе ҳайвонот боғи ёнида жойлашган. Бу Тожикистондаги иккинчи йирик стадион (биринчи ўринда Хўжанддаги „ Мустақилликнинг 20 йиллиги“ стадиони). Стадион директори Ширинжон Валиэв.
Тожикистон ССР Марказий Ижроия Қўмитаси ва Халқ Комиссарлари Советининг қарори билан 1939-йилда Душанбеда стадион қурилиши бошланди. Унга „М. В. Фрунзе номидаги Республика стадиони“ номи берилди. 1991-йилгача сақланиб қолган. Иккинчи жаҳон уруши бошланиши билан барча қурилиш ишлари тўхтатилди. Аммо у қуриб битказилганидан бир йил ўтиб, 1946-йилда стадион ҳақиқатда очилди — 5000 ўринли ғарбий трибуна қурилди. 1962-йилда 21400 ўринли стадионни тўлиқ тугатиш ва реконструксия қилиш тугалланди. Стадионнинг меъмори Владимир Николаэвич Головинский эди.
Совет даврида бу стадионда Душанбенинг „Энергетик“ жамоаси ўйнаган, кейинчалик у „Помир“ деб ўзгартирилган. СССР парчаланганидан сўнг, стадион Марказий Республика стадиони деб номланди ва 2000-йилларда унинг сиғими бироз оширилди — 24 000 гача[1].
Ҳозир Тожикистон миллий терма жамоаси — „Истиқлол“ футбол клуби ўз уй учрашувларини стадионда ўтказмоқда. Аввалроқ „Варзоб“ ва „Ситора“ ўз уй учрашувларини стадионда ўтказишган. Тожикистон ёшлар, ўсмирлар ва аёллар терма жамоалари ҳам ўз учрашувларини шу ерда ўтказишади.
2015-йилнинг 31-октабр куни стадионда ОФК кубоги финал учрашуви бўлиб ўтди, унда Тожикистоннинг „Истиқлол“ ва Малайзиянинг „Жоҳор“ клублари ўзаро тўқнаш келишди. Учрашув 0:1 ҳисобида кубок соҳибига айланган Малайзия терма жамоаси фойдасига ҳал бўлди. Учрашув давомида ҳакамлар „Истиқлол“нинг 3 та голини ҳисобга олишмади.
Стадионда футбол ўйинларидан ташқари, енгил атлетика каби турли спорт мусобақалари ҳам ўтказилади. Шунингдек, бу ерда шаҳар ва давлат миқёсидаги байрам ва тадбирлар, спектакл ва концертлар ўтказилади.[2]
Манбалар
- ↑ „Официальный сайт ФК Истиклол“. 2018-йил 25-апрелда асл нусхадан архивланган. Қаралди: 2014-йил 13-октябр.
- ↑ „Марказий Осиёдаги энг катта чойхона рўпарасидаги стадион қўшниларимизнинг ўзаро дерби тўқнашувига тайёр!“. 2022-йил 21-декабрда асл нусхадан архивланган. Қаралди: 2023-йил 20-март.
Ҳаволалар
- Стадиум Датабасе: Памир Стадиум (Wайбаcк Мачине сайтида 2018-04-25 санасида архивланган)
- Стадиум Профиле ат ФC Истиклол
- Стадион „Памир“ на сайте wилдстат.ру[сайт ишламайди]