Porso Xoʻjayev
Хўжаев Порсо, Порсо Хўжа Ҳасан (1867-йил, Бухоро — 1937-йил 25-октабр, Тошкент) — Бухородаги жадидчилик ҳаракатининг намояндаларидан бири, Бухоро ХСР ва Ўзбекистон ССР давлат ва жамоат арбоби, педагог[1].
| Порсо Хўжаев | |
|---|---|
| Таваллуди |
1867-йил |
| Вафоти |
25-октябр 1937-йил (70 ёшда) Тошкент |
| Касби | Педагог |
| Мукофотлари | Қизил юлдуз ордени |
Ҳаёти ва фаолияти
Порсо Хўжаев 1867-йил Бухоро амирлигининг пойтахти Бухоро шаҳрида таваллуд топган. Бухорода мадраса таҳсилини олган. 1890-йиллардан жадидчилик ғояларига қизиқа бошлаган. 1905-йилдан Бухородаги жадидчилик ва „Ёш бухороликлар“ сафида янги усул мактаблари очиш ва жадид газеталарини чиқариш, кўплаб қироатхона ва кутубхоналар ташкил этишда фаол қатнашган. 1918-йил мартдан Самарқанд, Шаҳрисабз, Қарши, Бухорода амирлик тузумига қарши курашда иштирок этган.
Бухоро Халқ Совет Республикаси (БХСР) тузилгач, Хатирчи ва Кармана вилоятлари инқилобий қўмитаси раиси (1920—1921-йиллар), БХСР деҳқончилик нозири ва нозир ўринбосари (1921-йил), Бухоро марказий касаба иттифоқи раиси (1922-йил), БХСР Марказий Ижроия Қўмитаси раиси (1922-йил август — 1924-йил ноябр) сифатида фаолиай олиб борган. 1925-йилдан Бухоро шаҳар ижроия қўмитаси раисининг ўринбосари, Бухоро округида ер ислоҳоти бўйича комиссия раиси бўлиб, 1929-йилдан Тошкентда кўчиб ўтган.
Вафоти
Порсо Хўжаев БХСРнинг раҳбар арбоблари билан биргаликда миллатчилик ва совет давлатчилигига қарши ҳаракатларда айбланиб, 1937-йил 14-октябрда отишга ҳукм қилинган ва шу йилнинг 25-октабрида, 70 ёшида Тошкентда отиб ўлдирилган[2]. 1962-йил 26-ноябрда оқланган.
Мукофотлари
Порсо Хўжаев Бухоро Халқ Совет Республикасининг 1-даражали Қизил юлдуз ордени билан тақдирланган[3].
Манбалар
- ↑ Султонов, Фарход; Бозорбоев, Фарруҳ. Ўзбекистон ҳукмдорлари. Тошкент: Алишер Навоий номидаги О’збекистон Миллий кутубхонаси нашриёти, 2007-йил — 78-бет.
- ↑ . Бухоро инқилоби тарихи учун материаллар, Москва, 1926-йил.
- ↑ Хўжаев, Файзулла. Бухоро инқилобининг тарихига оид материаллар, Тошкент, 1997-йил.
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
- 1937-yilda vafot etganlar
- 25-oktyabrda vafot etganlar
- Buxoro amirligida tugʻilganlar
- Toshkentda vafot etganlar
- Buxoro amirligi davlat arboblari
- Buxoroda tugʻilganlar
- Buxoro amirligi kishilari
- Buxorolik kishilar
- Buxoro madrasalarida tahsil olganlar
- Jadidlar
- Qatagʻon qurbonlari
- Yosh buxoroliklar
- Qizil Yulduz ordeni sohiblari
- Buxoro Xalq Sovet Respublikasining 1-darajali Qizil Yulduz ordeni sohiblari
- Oʻzbekiston inqilobchilari
- SSSRda qatagʻonga uchragan davlat organlari rahbarlari
- Oʻzbekiston SSRda qatl etilganlar
- Sovet Ittifoqida vafotidan keyin oqlanganlar
- KPSS safidan chiqarilganlar