Potensialoskop

Потенсиалоскоп (потенсиал ва юн. скопео — кўраман, кузатаман) — электр сигналлар тарзидаги ахборотни ёзиб олиш, сақлаш ва люминессент экранда намойиш қилиш учун мўлжалланган электрон-нурли асбоб. Ёзиб олинган ахборот (матн, расм, чизма ва бошқалар) электр сигналлари тарзида П.нинг кириш электродига берилади. Электр сигнали ёзиб олувчи электрон нурни модулясиялайди (ўзгартиради). Шу электрон нур нишонда силжиб, унинг диэлектрик сиртидаги иккиламчи электронларни уриб чикаради ва унда ўзгарувчан потенсиал ҳосил қ.илади. Нишонда ҳосил бўлган потенсиал релф электронлар дастасини модулясиялайди. Ана шу электронлар дастаси экранда тасвир ҳосил қилади. Шунинг учун П. кўринадиган тасвирли асбоб деб аталади. П. оссиллографлар, радиолокацион индикаторлар, ЭҲМ нинг информацияни чиқариш қурилмаларида бир галли ва кам такрорланадиган сигналларни кузатиш учун ҳам қўлланади.