Press-qolip

Пресс-қолип — керамика, металл, пластмасса, резина ва бошқа материалларни пресслаш йўли билан маълум шаклдаги ҳажмий буюм (заготовка)лар олишга мўлжаллаган мослама. Дастаки, ярим автоматик; олинадиган, ярим олинадиган, муқим (стационар); ажратиш текислиги горизонтал ҳамда вертикал хиллари бор. Пресс-қолипда бир ёки бир неча шакл бўшлиқлари бўлиши мумкин. Ичи ҳовол буюмларни тайёрлашда уларнинг ички бўшлиқларига пуансон (стержен)лар билан шакл берилади. П.-қ. углеродли ёки легирланган пўлат, рангли металларнинг қотишмалари, гипс ва бошқалардан тайёрланади. Материал ва олинадиган заготовкага қараб, П.-қ.да маълум температура сақланади. Бунинг учун плита тешиги оркали келтириладиган буғ ёки иссиқ сув, электр қиздириш элементлари ва бошқалардан фойдаланилади. П.-қ. ички юзаси юқори аникдикда силликланади, пардозланади ва хром эритмаси билан крпланади. П.-қ. автомобилсозлик, радиотехника, электротехника саноатларида, санитария техникаси жиҳозлари тайёрлашда кенг қўлланади.