Pul birligi

Пул бирлиги, мамлакатнинг пул бирлиги — мамлакатда қонун йўли билан жорий пул белгиси, мамлакат пул тизимининг асосий унсури бўлган пул ҳисоб китоби бирлиги. Мас, Ўзбекистоннинг Пул бирлиги — сўм. АҚШнинг Пул бирлиги — АҚСҲ доллари, Буюк Британия Пул бирлиги — фунт стерлинг. Пул бирлиги майда қисмларга бўлинади. Мас, 1 сўм=100 тийин, 1 рубл=100 копейка, 1 АҚСҲ доллари=100 сент. ХХИ аср бошига келиб жаҳон мамлакатларининг биронтасида ҳам монометалл пул муомаласи қолмади. Шу сабабли, асосий Пул бирлиги кредит банк билетлари (банкнотлар), шунингдек, давлат хазина билетлари ва танга пуллардан иборат.