Pushkin sahifasining manbasini koʻrish

'''Aleksandr Sergeyevich Pushkin''' ([[1799|1799-yil]] 26-may ([[6-iyun]]) [[Moskva]] — [[1837|1837-yil]] 29-yanvar ([[10-fevral]]) [[Sankt-Peterburg]]) — ulugʻ rus adibi, yangi rus adabiyotining asoschisi, [[dramaturg]] va [[nasr]] [[yozuvchi]].{{Shaxsiyat
|ismi                     = Aleksandr Pushkin
|asl ismi                 = Александр Сергеевич Пушкин
|portret                  = AleksandrPushkin.jpg
|tavsif                   = Aleksandr Pushkin, O.A. Kiprenskiy ishlagan potret
|tugʻilgan paytidagi ismi = Александр Сергеевич Пушкин
|tavallud sanasi          = [[1799|1799-yil]] 26-may ([[6-iyun]])
|tavallud joyi            = [[Moskva]], [[Rossiya imperiyasi]]
|vafot sanasi             = [[1837|1837-yil]] 29-yanvar ([[10-fevral]])
|vafot joyi               = [[Sankt-Peterburg]], [[Rossiya imperiyasi]]
|turmush oʻrtogʻi         =
|otaonasi                 =
|bolalari                 =
|imzo                     = Pushkin Signature.svg
}}

== Biografiyasi ==
Otasi Sergey Lvovich qadimiy dvoryanlar avlodidan, gvardiya ofitseri boʻlib, [[fransuzcha]] sheʼrlar yozib turardi. Onasi Nadejda Osipovna Pyotrning tarbiyasida boʻlgan habash A. P. Gannibal (asli ismi Ibrohim) ning nevarasi edi. Ota-onasi yosh Pushkinning buvisi Mariya Alekseyevna va enagasi Arina Rodionovna tarbiyasiga topshirgan. Uning amakisi Vasiliy Lvovich oʻsha davrning koʻzga koʻringan shoirlardan boʻlib Pushkinlarnikiga taniqli shoirlar tez-tez mehmon boʻlib kelardi. Bu muhit Pushkinda sheʼriyatga havas uygʻotdi. [[1811]]-[[1817|1817-yillarda]] u Sarskoe selodagi litseyda taʼlim olgan. Pushkinning dastlabki sheʼri matbuotda [[1814|1814-yildayoq]] bosilgan edi. [[1833|1833-yil]] dekabrida [[Nikolay I]] Pushkinni kamer — yunker qilib tayinlagan. [[1837|1837-yilda]] yosh fransuz ofitseri [[Jorj Dantes]] bilan duelda Pushkin ogʻir yaralanib, vafot etadi.

== Oʻzbek tilidagi tarjima asarlari ==
Pushkinning koʻplab asarlari oʻzbek tiliga tarjima qilingan („<nowiki/>[[Boris Godunov]]<nowiki/>“, „Dubrovskiy“, „Kavkaz asiri“ [[Choʻlpon]] tomonidan (1936-37), „Yevgeniy Onegin“ [[Oybek]] tomonidan (1937), „Boqchasaroy fontani“ [[Usmon Nosir]] tomonidan (1937), „Kapitan qizi“ [[Abdulla Qahhor]] tomonidan (1939), „Ruslan va Lyudmila“ [[Mirtemir]] tomonidan (1948) tarjima qilingan).

== Hayot yoʻli va ijodi ==
'''Pushkin Aleksandr Sergeyevich''' (1799.26.5 (6.6), Moskva — 1837.29.1 (10.2), Peterburg) — rus yozuvchisi, yangi rus adabiyotining asoschisi. Otasi Sergey Lvovich kadimgi dvoryanlar qavmidan, onasi Nadejda Osipovna esa [[Pyotr I]] qoʻlida tarbiya koʻrgan habash — A. P. Gannibalning nabirasi boʻlgan.

Pushkinda nafis soʻzga mehr-muhabbatning paydo boʻlishida rus xalq qoʻshiqlari hamda ertaklarini yaxshi bilgan enagasi Arina Rodionovnaning taʼsiri, ayniqsa, kattadir. Oʻsha davrning eng nufuzli oʻquv yurtlaridan biri — Peterburg yaqinidagi Sarskoye selo (hozirgi Pushkin sh.) litseyida oʻqish (1811-1817) Pushkinning [[shoir]] va erksevar inson sifatida shakllanishida muhim omil boʻlgan. Pushkin litseyni tugatgach, Peterburgga koʻchib borgan va tashki ishlar kollegiyasida kotib lavozimida ishlagan. U Peterburgda xizmat qilgan yillar (1817—20) Rossiyaning tarixiy taraqqiyoti uchun muhim bir davr edi.

Pushkinning dastlabki sheʼrlari [[1913]] yilda matbuot yuzini koʻrdi. U litseyda oʻqib yurgan kezlarida 120 ga yaqin sheʼr va 2 doston (tugallanmagan) yozadi. Litsey bilan xayrlashuv kechasiga bagʻishlangan sheʼri esa shu kechada qatnashgan G. R. Derjavinnnt yuksak bahosiga sazovor boʻlib, u Pushkinning buyuk shoir boʻlib yetishishini bashorat qiladi. Keyinchalik Pushkin rus jamiyatida uygʻonib borayotgan erksevarlik kayfiyati taʼsirida „Erkinlik“ (1817), „Chaadayevga“ (1818), „Qishloq“ (1819) singari sheʼrlarni yaratadi.

Pushkinga qadar rus sheʼriyatida [[qasida]], [[marsiya]], [[Maktub|xat]] singari har bir sheʼriy janr [[klassitsizm]] tomonidan belgilangan qatʼiy qonun-qoidalar asosida yozilgan. Pushkin itsey lirikasidan farqli oʻlaroq, Peterburg davri ijodida sheʼriy janrlar urtasidagi chegaralar va uslubiy farqlarni bartaraf etib, rus sheʼriyati taraqqiyoti uchun yangi badiiy ufqlarni ochib bergan („Ruslan va Lyudmila“, 1820).

Pushkin ijodining tadrijiy yoʻlini shartli ravishda 4 bosqichga ajratish mumkin. Agar 1813-16 yillarni oʻz ichiga olgan l-bosqichda Pushkin oʻz zamondoshlarining badiiy tajribasini oʻzlashtirgan boʻlsa, 2-bosqich (1817—1820) da Pushkun ijodining gʻoya va mavzular olami kengayib, u oʻz uslubiga erishish yoʻlida badiiy izlanishlar olib borib, kitobiy til bilan jonli xalq tilini oʻzaro yaqinlashtirdi. Shoirning 1820—1824-yillar ijodida (3-bosqich) romantizm ustuvorlik qildi. Ammo koʻp oʻtmay, Pushkin qahramonni poetiklashtirish va vokelikni ehtiros bilan tasvirlashda davom etgan holda romantik tasvir metodidan chekindi. Pushkinning ijodining 1925-yildan boshlangan 4-bosqichida obrazlar va mavzular kulamini chegaralashning har qanday kurinishini rad etuvchi, fikr bilan tuygʻuni, haqiqatni tadqiq etish bilan „jonli tasavvur“ni oʻzaro uygʻunlashtirishga asoslangan realistik tizimni ishlab chiqdi Pushkinning rus jamiyatidagi erksevar kuchlar taʼsirida yozilgan zulm va krepostnoylikni fosh etuvchi sheʼrlari chor hukumatida norozilik kayfiyatini uygʻotdi. 1819-yilda P. ning „Yashil chiroq“ tugaragida ishtirok etishi esa [[Aleksandr I]] ni nihoyatda gʻazablantirdi. U 1820-yil mayida Pushkinni Yekaterinoslavga surgun qildi. Shoir Yekaterinoslavga yetib kelishi bilan xastalikka yoʻliqadi va ittifokr shu yerda qoʻnoqda boʻlgan general N. N. Rayevskiyning oilasi bilan birga dastlab Kavkazga, keyin Qrimga yoʻl oladi.

Rossiyaning janubida yashash Pushkin ijodida yangi davrning boshlanishiga imkon berdi. U dastlab J. Bayron taʼsirida romantik dostonlarini yezdi. Pushkinning romantizmining ilk namunasi — „[[Kavkaz]] asiri“ dostoni (1820—21) 20-yillardagi erksevar yoshlar kayfiyatini ifodalagani uchun ular oʻrtasida katta muvaffaqiyat qozondi. Pushkin voqelikni romantik boʻyoqlar bilan tasvir etishda davom etib, „Aka-uka qaroqchilar“ (1821—22) va „Boqchasaroy fontani“ (1923) dostonlarini yaratdi. „Loʻlilar“ dostoni esa P.ning ijodiy tadrijida roʻy bergan jiddiy burilishning samarasi boʻldi. P.ning romantik dostonlari va shu yillar lirikasi („Demon“, „Dengizga“ va boshqalar) yagona gʻoyaviybadiiy yoʻnalishga ega boʻlib, ular psixologik tasvirning teranligi, ruhiy olam, tabiat va tevarak-atrofdagi hayotiy hodisalar oʻrtasidagi aloqalarning rang-barangligi bilan ajraladi.

1824-yil Pushkin xizmat vazifasidan ozod etilib, Mixaylovskoye qishlogʻi (Pskov) ga surgunga yuboriladi. Ikkinchi marta tazyiqqa uchragan shoir qisqa muddatli ruhiy ezilishdan soʻng mutolaaga berilib, shu atrofdagi aholining ertak va qoʻshiklarini toʻplaydi, „Boris Godunov“ tragediyasi (1825), „Graf Nulin“ dostoni, „Qurʼonga ta-tabbu“, „Andrey Shenʼye“, „19-oktabr“ va boshqa mashhur sheʼrlarini yozadi, „Yevgeniy Onegin“ sheʼriy [[roman|romani]] ustidagi ishni davom ettiradi. „Boris Godunov“ Pushkinning [[dramaturgiya]] sohasidagi dastlabki tajribasi boʻlsada, shoir unda [[William Shakespeare|Shekspir]] anʼanalariga tayangan holda dramatik sanʼatning yangi yoʻllarini kashf etadi, xalq bilan hokimiyat oʻrtasidagi munosabatni asar markaziga olib chiqadi. „Boris Godunov“ni yaratish asnosida ishlab chiqilgan badiiy tamoyillar (tarixiylikka institutilish, insoniy kechinmalarni barcha ranglari bilan mujassamlashtirish, xarakterlarga xos hayotiy murakkablikni ochish va boshqalar) P.ning keyingi ijodida oʻz samaralarini berdi.

20-yillar oxiri — 30 yillar boshlarida P. ijodida realizm tantana qilib, u „Graf Nulin“dan tashqari, „Poltava“ (1828—9), „Kolomnadagi uy“ (1830), „Mis chavandoz“ (1833) dostonlari va keyinchalik shoirning „kichik tragediyalar“ini tashkil etgan baʼzi bir pyesalari hamda nasriy asarlari („Belkin qissalari“, „Kapitan qizi“ va boshqalar)ni yaratadi. P. shu davrda lirikada badiiy realizmning yuksak bosqichiga erishadi.

20-yillarning 2yarmida Pushkin „Yevgeniy Onegin“ ustidagi ijodiy ishini davom ettirdi. Sheʼriy romanning 1833-yilda toʻla holda nashr etilishi rus adabiyoti tarixida ulkan voqea boʻldi. Garchand sheʼriyatning bu janri rus adabiyotida keyinchalik izchil davom ettirilmagan boʻlsada, bu asarda kashf etilgan yangi realistik tasvir metodi va yangi [[estetika]] tamoyillari rus adabiyetining keyingi taraqqiyoti uchun gʻoyat katta ahamiyatga molik boʻldi. P. asarda polifonik tasvir usulining shunday yoʻllarini topdiki, ular vo-qelikni keng qamrab olish, muhim hayotiy muammolarni tasvir doirasiga olib kirish, epik va lirik ibtidolarni uzviylashtirish imkonini berdi. Natijada romanda P. yashagan davrning muhim masalalari oʻz inʼikosini topdi, oʻsha davrda keng tarqalgan kishilar harakteri tarixiy, ijtimoiy va maishiy sharoit fonida zoʻr mahorat bilan tasvir etildi.

Pushkin 1830-yil kuzini Boldino qishlogʻida oʻtkazdi. Rus adabiyoti tarixiga „Boldino kuzi“ sifatida kirgan bu davrda shoir „Kolomnadagi uy“ dostoni, „Belkin qissalari“, shuningdek, boshqa „kichik tragediyalar“ini ijod qildi. Bu asarlarning har biri, ayniqsa, „Xasis ritsar“, „Oʻlat chogʻidagi bazm“, „Tosh mehmon“, „Motsart va Salyeri“ „kichik tragediyalar“i olamshumul ahamiyatga molik masalalarni koʻtarganligi bilan P. ijodida alohida bir sahifani tashkil etadi.

P. 1831-yil yozida sharoit taqozosi bilan davlat idoralarida ishlashga majbur boʻladi. U tashki ishlar kollegiyasida xizmat qilar ekan, davlat arxivida ishlash imkoniyatidan foydalanib, Buyuk Pyotr tarixini yozmoqchi boʻladi. Arxivda ishlash P.ga Rossiyaning tarixi va hozirgi davridagi murakkab masalalarni toʻgʻri tushuntirish imkonini beradi. U siyosiy tuzum, „yangi maʼri-fat“, Yevropa mamlakatlari mohiyati toʻtrisida oʻylab, tanqidiy xulosalarga keladi va feodal tuzumning chiriganiga ishonch hosil qiladi. P.ning „Mis chavandoz“ dostoni uning dunyoqarashida roʻy bergan ana shunday oʻzgarishlarning natijasi sifatida may-donga keladi. Rossiyaning yangi, kapitalistik taraqqiyot bosqichiga oʻta boshlagani P.ning „Pikovaya dama“ (1833) qissasida oʻz tajassumini topgan.

P. 30-yillar Rossiya tarixi bilan qiziqib, [[Pugachyov]] qoʻzgʻolonining paydo boʻlish sabablarini qunt bilan oʻrgandi, qoʻzgʻolon sodir boʻlgan joylarga borib, rus xalq qoʻshiqlari, ertak va rivoyatlarni yozib oldi. P. Pugachyov qoʻzgʻoloni haqida toʻplagan bu mate-riallardan „Pugachyov tarixi“ asari (1833), „Dubrovskiy“ (1832—33) va „Kapitan qizi“ (1833—36) qissalarida samarali foydalandi. Rus xalq ogʻzaki ijodi namunalariga qiziqish natijasida P.ning „Pop va uning xizmatkori Balda haqida ertak“ (1830), „Shoh Sulton haqida ertak“ (1831), „Baliqchi va baliq haqida ertak“ (1833), „Oltin xoʻrozcha haqida ertak“ (1834) singari folklor motivlari bilan sugʻorilgan asarlari maydonga keldi va bu asarlar P. ijodi dagi xalqchillikning yanada oshishiga sababchi boʻldi.

P. 1831—32 yillarda doʻstlari tomonidan nashr etilgan „Literaturnaya gazeta“ („Adabiyot gazetasi“)da faol ishtirok etib, adabiyotda xalqchillik va realizmning tantana qozonishi uchun kurashdi. Uzoq davom etgan saʼy-harakatdan soʻng 1836-yil aprelda „Sovremennik“ („Zamondosh“) jur.ning 1sonini chiqarishga muvaffaq boʻldi. P.ning rus adabiyoti oldidagi xizmatlari buyuklashgan va ijodiy faoliyati yangiyangi qirralar kasb etib borgani sayin uning atrofidagi qora kuchlar tobora birlasha va faollasha boshladilar. Shuning natijasi oʻlaroq uning J. Dantes bilan dueli uyushtirilib, ulugʻ rus shoiri halok etildi.

== Adabiy oʻrni ==
Pushkinning rus madaniyati taqdiridagi roli benihoya buyuk. U yangi rus adabiyotiga asos solish bilan birga rus adabiy tilining ham shakllanishiga ulkan hissa qoʻshdi. Rus adabiyotida [[Realizm (Badiiy harakat)|realizm]] va xalqchillik tamoyillarining, qator sheʼriy janrlarning shakllanishi va taraqqiyoti Pushkin nomi bilan chambarchas boglik, Pushkinning rang-barang ijodi nafaqat keyingi rus adabiyoti, balki musiqa, [[teatr]], [[balet]], [[rang-tasvir]] singari sanʼat turlarining ham rivojlanishiga katta taʼsir koʻrsatdi. Boshqa qardosh adabiyotlar qatori <nowiki>XX</nowiki> asr oʻzbek adabiyetining taraqqiyotida ham P. ijo-dining taʼsiri sezilarlidir.

== Eʼtirof ==
Toshkentda Pushkin nomida koʻcha, [https://yandex.uz/maps/10335/tashkent/geo/1632732150/?ll=69.254013%2C41.286695&z=18 maydon] bor. Pushkinning tugʻilgan kuniga 170 yil toʻlishi munosabati bilan 1969-yil Toshkent shahrida shoirga [[Aleksandr Pushkin haykali (Toshkent)|haykal]] oʻrnatilgan.

== Asarlari ==
Aleksandr
'''Romanlar:'''
* „Erkinlik“ (1817, oda),
* „Chaadaevga“ (1818)
* „Qishloq“ (1819)
* „Hanjar“ (1821)
* „Qur’onga taqlid“
* „Andrey Shene“
* „19-oktabr“
* „Stenka Razin haqida qoʻshiq“
* „Sibirga maktub“
* „Armon“ kabi sheʼrlari
* „Ruslan va Lyudmila“
* „Kavkaz asiri“ (1820-21)
* „Aka-uka qaroqchilar“ (1821-22)
* „Boqchasaroy fontani“ (1823)
* „Graf Nulin“
* „Poltava“
* „Mis chavandoz“ (1833)
* „Gavriiliada“ (poema)
* „[[Yevgeniy Onegin]]“ (sheʼriy roman)
* „Buyuk Pyotrning habashi“
* „Boris Godunov“ (tragediya)
* „Arzrumga sayohat“

'''Povestlar:'''
* „Dubrovskiy“ (1832-33)
* „[[Kapitan qizi]]“ (1836)

'''Nasriy asarlar:'''
* „Oʻq“
* „Boʻron“

'''Ertaklar:'''
* „Pop va uning xizmatkori Balda haqida ertak“ (1830-34)
* „Baliqchi va baliq haqida ertak“ (1830)
* „Shoh Saltan haqida ertak“ (1831)
* „Oltin Xoʻroz haqida ertak“ (1834)

== Havolalar ==
* [http://alexnest.ru/?cat=14 Poeziya i proza Pushkina A. S. v biblioteke Aleksa Nesta]{{Webarxiv|url=https://web.archive.org/web/20110912060220/http://alexnest.ru/?cat=14 |date=2011-09-12 }} {{Webarxiv|url=https://web.archive.org/web/20110912060220/http://alexnest.ru/?cat=14 |date=2011-09-12 }}
* [http://runivers.ru/lib/detail.php?ID=1032205 Skazka o ribake i ribke, Spb., Berlin: Izdatelstvo Z. I. Grjebina, 1922, na sayte „Runivers“]{{Oʻlikhavola|date=yanvar 2026 |bot=InternetArchiveBot |fix-attempted=yes }}
* [http://www.feb-web.ru/feb/pushkin/ Fundamentalnaya elektronnaya biblioteka „Russkaya literatura i folklor“]
* [http://www.aleksandrpushkin.net.ru/ Informatsionno-spravochniy portal „A. S. Pushkin“] {{Webarxiv|url=https://web.archive.org/web/20120619002033/http://www.aleksandrpushkin.net.ru/ |date=2012-06-19 }}
* [http://lib.russportal.ru/index.php?id=authors.pushkin Sochineniya A. S. Pushkina v staroy orfografii]
* [http://hronolog.spb.ru/index.php?option=com_content&task=view&id=23&Itemid=206 Xronologicheskaya tablitsa Pushkin A.S]{{Webarxiv|url=https://web.archive.org/web/20090705155221/http://hronolog.spb.ru/index.php?option=com_content&task=view&id=23&Itemid=206 |date=2009-07-05 }} {{Webarxiv|url=https://web.archive.org/web/20090705155221/http://hronolog.spb.ru/index.php?option=com_content&task=view&id=23&Itemid=206 |date=2009-07-05 }}
* [http://russia-today.narod.ru/past/gen/push_as.html Predki A. S. Pushkina do 14-go pokoleniya]
* [http://pushkin-art.ru/ Galereya risunkov i portretov, sdelannix Pushkinim v svoix proizvedeniyax] {{Webarxiv|url=https://web.archive.org/web/20130614065743/http://pushkin-art.ru/ |date=2013-06-14 }}
* [http://all-art.org/literature/onegin/01risunki%20pushkina01.htm Tsyavlovskaya T. G. Risunki Pushkina]{{Webarxiv|url=https://web.archive.org/web/20110128082029/http://all-art.org/literature/onegin/01risunki%20pushkina01.htm |date=2011-01-28 }} {{Webarxiv|url=https://web.archive.org/web/20110128082029/http://all-art.org/literature/onegin/01risunki%20pushkina01.htm |date=2011-01-28 }}
* [http://www.mibook.ru Pushkin i Lermontov. Istoriya otnosheniy]{{Oʻlikhavola|date=may 2026 |bot=InternetArchiveBot |fix-attempted=yes }}

== Manbalar ==
* Polnoye sobraniye sochineniy, t. 1— 10, M., 1974—78; Tanlangan asarlar, 1—4 j.lar, T., 1954—55; Tanlangan asarlar, T., 1999.

== Adabiyotlar ==
* Blagoy D. D., Tvorcheskiy put Pushkina, t. 1—2-j.lar, M., 1950—67; Jizn Pushkina. Rasskazannaya im samim i yego sovremennikami, ch. I — II, M., 1988; Karimov N., Pushkin va uzbek sheʼriyati, T., 1988.

Naim Karimov.

{{OʻzME}}

{{Aleksandr Pushkin}}

{{DEFAULTSORT:Pushkin, Aleksandr}}
[[Turkum:Alifbo boʻyicha shoirlar]]
[[Turkum:Rossiyalik yozuvchilar]]
[[Turkum:1799-yilda tugʻilganlar]]
[[Turkum:6-iyunda tugʻilganlar]]
[[Turkum:26-mayda tugʻilganlar]]
[[Turkum:1837-yilda vafot etganlar]]
[[Turkum:29-yanvarda vafot etganlar]]
[[Turkum:10-fevralda vafot etganlar]]
[[Turkum:Rossiya yozuvchilari]]
[[Turkum:Rossiya imperiyasi yozuvchilari]]


{{bio-stub}}