Qaroiylik

Qaroiylik - O‘rta asr yahudiylikdagi yo‘nalishlardan biri. “Qaroiy” atamasi ba’zi manbalarda “kitob”, “yozilgan narsa”, deyilsa, boshqa bir manbalarda “qiroat” degan ma’noni anglatishi ta’kidlanadi. Tadqiqotchilar ularni “Kitobiylar” deb nomlanishiga sabab sifatida, faqatgina Tavrotni e’tirof etishlarini keltiradilar. Qaroiylikka milodiy VIII asr oxirlarida, Abbosiy xalifa Abu Ja’far Mansur hukmronligi vaqtida Bag‘dodda yahudiy ulamolaridan biri Anon ibn Dovud tomonidan asos solingan. Ushbu yo‘nalish vakillari asoschisiga nisbat berilib, “Anoniylar” ham deb yuritiladi. Uning izdoshlari, faqatgina, “Tavrot”ni e’tirof etib, “Talmud”, rabboniy yahudiylik va ravvinlarning ta’limotlarini inkor qiladilar.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.