„Қирмизи олма“ — ўзбек хонандаси Улуғбек Раҳматуллаев ижро этган қўшиқ. Дастлаб сингл о'лароқ 2015-йил эълон қилинган. „Қирмизи олма“ қўшиғи Раҳматуллаевнинг 2015-йил эълон қилинган „Ёшлик“ номли албомига ҳам киритилган. Шунингдек, 2020-йил эълон қилинган „Сени излаб“ албомига қўшиқнинг жонли версияси киритилган. Хонанда қўшиқни рус тилида „Яблоко любви“ (русча: Яблоко любви) номи билан ижро этган. Тарона хонанданинг ўша йили чиқарилган айни номли студиявий албомига киритилган[1]. „Қирмизи олма“ Раҳматуллаев репертуаридаги энг кенг танилган қўшиқларнинг биридир.

„Қирмизи олма“
Улуғбек Раҳматуллаев қўшиғи
Қирмизи олма албомидан
Чиқарилган санаси 2015
Жанр поп
Давомийлиги 3:54 (тўлиқ версия)
3:39 (қисқа версия)
4:09 (клип версияси)
Клипи
„Қирмизи олма“ ЁуТубеда

Қўшиқ тоналлиги — си-бемол минор[2]. Қўшиқнинг ўзбекча версияси клипи 2016-йилнинг мартида ЁуТубега юкланганидан то 2022-йилнинг сентябрига қадар 21 миллион мартадан ошиқ, русча версияси клипи эса 20 миллион мартадан ошиқ кўрилган.

Бугунга қадар бир неча хорижлик хонанда таронани кавер қилган. 2015-йил эронлик хонанда Ареф қўшиқни „Ки беҳтар аз то“ (форсча: کی بهتر از تو‎‎) номи билан форс тилида куйлаган[3]. Раҳматуллаев Ареф ундан рухсат олмаганини, аммо каверга эътирози йўқлигини билдирган[4]. 2021-йил эса Арҳан „Қирмизи алма“ номи билан озарбайжон тилида ижро этган[5]. 2021-йил Раҳматуллаев қўшиқни хонанда Нилуфар Усмонова билан ижро этган.

„Тҳе cовер уп кидс“[изоҳ 1] кўрсатувининг 3-сонида (8-ноябр, 2020-йил) Раҳматуллаев қўшиқлари кавер қилинган. „Қирмизи олма“ қўшиғини кўрсатув иштирокчиси Рустамхон Сайфуллаев ижро этган. Сайфуллаев қўшиқни уч хил услубда, жумладан, миллий чолғулар жўрлигида ижро этган ва Раҳматуллаев олқишига сазовор бўлган[6].

Изоҳлар

  1. ↑ Кўрсатув ижодкорлари „cовер-уп“ сўзи инглиз тилида 1) бирор нарсани, айниқса ножўя иш ёки хатони яшириш уринишини ёки 2) сувдан чиққанда чўмилиш кийими устидан ташлаб олинадиган уст-бошни англатишидан бехабар бўлгани учун кўрсатувни шундай номлаган.

Манбалар

  1. ↑ „Қирмизи олма“. Ризанова. Қаралди: 30-сентябр 2022-йил.
  2. ↑ Атаев, Нодир „Аккорд зиналари“. Гитара чалишни ўрганамиз. Қаралди: 30-сентябр 2022-йил.
  3. ↑ „Ки Беҳтар Аз То“. Спотифй. Қаралди: 30-сентабр 2022-йил.
  4. ↑ „Улуғбек Раҳматуллаевнинг “Қирмизи олма” қўшиғини эронлик хонанда ўғирлади (видео)“. Дарё (6-январ 2017-йил). 2022-йил 30-сентябрда асл нусхадан архивланган. Қаралди: 30-сентабр 2022-йил.
  5. ↑ „Қирмизи Алма“. Спотифй. Қаралди: 30-сентабр 2022-йил.
  6. ↑ YouTube logotipi Cовер-уп кидс кўрсатувининг 3-сони Улуғбек Раҳматуллаев иштирокида ЁуТубеда Қаралди: 30-сентябр 2022-йил

Ҳаволалар