Qomar-uz-Zamon Faridiy Chishtiy

Баба Қомар аз-Замон Фаридий Чиштий, кўпроқ Саркар Баба Қамар аз-Замон номи билан танилган (1940-2011) Чиштий тариқатидан бўлган мусулмон авлиё ҳисобланади, шу билан бирга диндор сўфий сифатида танилган. Чиштий Замоний тариқати асосчиси ва тузувчиси эканлиги манбаларда келтирилади. У Покистон бўйлаб ва хорижда минглаб одамларга Ислом ҳақида сабоқ берган. Чиштий тариқати „ҳаммани севиш ва ҳеч кимдан нафратланмасликни“ таъкидлайди.

Чиштий 1940-йил 30-майда Касур яқинидаги Бурж Каланда туғилган. Унинг отаси шифокор бўлган ва саккиз ойлик бўлганида отаси вафот этди, онаси эса, тақводор ва жасур аёл бўлиб, Чиштийни тарбиялаш учун барча қийинчиликларга дуч келди. У ўрта мактабгача таълим олди. Кейинчалик таълим бўлимига ишга кириб, 1993-йилда нафақага чиққунга қадар ўқитувчи бўлиб ишлади.

Чиштия таълимоти

Бобо Қомар аз-Замон бобо Фарид Ганжшакарнинг муриди (шогирди) бўлиб, сўфийлик ва валийлик бўйича барча таълимни бевосита Кашф орқали ундан олган. Риналадаги (Окара тумани) дастлабки йилларидан кейин Раиwиндга кўчиб ўтди.

Замони тариқати

Чиштий охирги хутбасида ўзидан кейин Чиштия тариқатининг янги бир йўналиши бошланишини эълон қилган ва ўзининг кенжа ўғли Фахр аз-Замон Чиштий Замонини ўзига халифа (ворис) этиб тайинлаган.

Висол йиллиги ва Урс

Чиштийнинг висол санаси Рамазон ойининг 27-куни, 2011-йил 28-август соат 05:30 да. Унинг висол юбилейи (Урс) ҳар йили 2 кун, 27 ва 28-август кунлари Раивинд яқинидаги зиёратгоҳида нишонланади.

Саркарнинг „Таълимотлари“ китобининг биринчи нашри ва унинг кундаликларидан парчалар „Ганжина э Сифат" номи билан 2012-йилда нашр этилган.