Ziyosfera

Qoraxon Sardorov

Qoraxon Sardorov (1905-yil, Buxoro amirligi, Karki bekligiga qarashli Mirzobek qishlogʻi – 1952-yil 21-oktyabr, Tojikiston SSR) – Tojikiston Sovet Sotsialistik Respublikasining siyosat va davlat arbobi.

Qoraxon Sardorov
Карахан Сардаров
Tavalludi 1905-yil
Mirzobek qishlogʻi, Karki bekligi, Buxoro amirligi
Vafoti 21-oktyabr 1952-yil (47 yosh)
Koʻktosh, Tojikiston SSR
Mukofotlari Andoza:„1941-1945-yillar Ulug‘ Vatan Urushida jasorat bilan qilgan xizmatlari uchun“ medali

Tarjimai holi

Buxoro amirligining Kerkin bekligiga qarashli Mirzobek qishlogʻida tugʻilgan. Hozirda bu qishloq Turkmanistondagi Lebap viloyatining Halach tumani tarkibiga kiradi. Kelib chiqishi – turkman. 1920-yilda, 15 yoshida u Qubodiyon bekligining Past-ariq qishlogʻiga koʻchib oʻtadi va u yerda mardikor boʻlib ishlaydi.

1925-yilda u Koʻktosh qishlogʻiga koʻchib oʻtadi. Ikki yildan soʻng Tojikiston Avtonom Sovet Sotsialistik Respublikasidagi Lokay-Tojik tumanining markazida sovet siyosiy rejimini oʻrnatishda faol qatnashadi.

Bosmachilikka qarshi harakat aʼzosi. Qoraxon Sardor (tojikcha: сардо́р [сардо́р] – „qoʻmondon, hoʻjayin“; forscha: «سردار» [sardār]‎‎ – „boshliq, boshqaruvchi, hoʻjayin“) nomi bilan tanilgan[1]. 1931-yil 23-iyunda Muqum Sultonov qoʻl ostidagi boʻlinmada bosmachilarga qarshi kurashda ishtirok etgan. Sovet hukumatining 1922—1931-yillardagi eng ashaddiy dushmani, bosmachilar boshligʻi Ibrohimbekni qoʻlga olishda qatnashgan toʻrtta qahramondan biri edi.

Qizil Armiya Harbiy Kengashining 1931-yil 27-iyuldagi qarori bilan 1931-yil iyun oyida Ibrohimbek tarafdorlarini yoʻq qilishda faol ishtirok etgani uchun RSFSR Qizil Bayroq ordeni bilan taqdirlangan[2][3].

Tojikistonning Rudakiy tumani hokimligi arxivida saqlanayotgan Sardarov Qoraxonning tarjimai holiga oid hujjatlarga koʻra, yosh ittifoqchi Respublika – Tojikiston SSSRdagi nomuntazam tojik militsiyasi 2-sonli otryadining huquq-tartibot idoralari boshligʻi oʻrinbosari lavozimida ishlagan. 1940-1941 yillarda maktabni tamomlagandan keyin Stalinobod shahrida Tojikiston SSR Kompartiyasi MK huzuridagi partiya va sovet ishchilari kurslarida Yovon tuman ijroiya qoʻmitasi raisi, soʻngra Tojikiston SSR oziq-ovqat sanoati xalq komissarining oʻrinbosari lavozimlarida ishlagan.

1952-yil 21-oktyabrda gepatit A tufayli vafot etdi. „Bachamazor“ qabristoniga dafn etilgan.

Mukofotlari

  • Qizil Bayroq ordeni (1926-yil)
  • „Oktyabr inqilobiga 10 yil“ koʻkrak nishoni bilan taqdirlangan. (1927-yil)
  • Tojikiston ASSRning oliy mukofoti – „Fuqarolik belgisi“ koʻkrak nishoni bilan taqdirlangan. (1929-yil)
  • „Shon-sharaf belgisi“ ordeni (1951-yil)

Manbalar

  1. ↑ „Значение слова САРДАР. Что такое САРДАР?“ (ru). kartaslov.ru. Qaraldi: 2019-yil 25-oktyabr.
  2. ↑ „Ибрагим-бек | Virtual Laboratory Wiki | FANDOM powered by Wikia“. ru.vlab.wikia.com. Qaraldi: 2019-yil 25-oktyabr.
  3. ↑ „Конец Ибрагим-бека (1929—1930) — Письма о Ташкенте“. mytashkent.uz. 2019-yil 21-oktyabrda asl nusxadan arxivlangan. Qaraldi: 2019-yil 25-oktyabr. 
"https://new.ziyosfera.uz/ziyo/Qoraxon_Sardorov" dan olindi