Qudratilla Samadov: Versiyalar orasidagi farq

Bu maqolani oʻchirish taklif etiladi. Sababi va mos munozaralarni quyidagi sahifadan topishingiz mumkin: ZiyoSfera:Oʻchirishga/Qudratilla Samadov. Maqolani yaxshilashga urinib koʻrishingiz mumkin, ammo munozara jarayoni yakunlanmagunga qadar mazkur ogohlantirish xabarini aslo olib tashlamang. Manbalar izla: „Qudratilla Samadov“ – yangiliklar · gazeta · kitoblar · akademik · JSTOR Maqola muallifiga: Maqolangiz oʻchirilish arafasida boʻlsa, nima qilish kerak? Administratorlarga: bu yerga havolalar • tarix (oxirgi oʻzgarish) • Samadov qaydlar • oʻchirish Sahifani oʻchirishga nomzod oʻlaroq koʻrsatish: ZiyoSfera:Oʻchirishga/Qudratilla Samadov sahifasini ochib, unga quyidagi satrni qoʻshing: {{subst:oʻchirishga2|s=Qudratilla Samadov|matn=Sababi}} Mana bu havolani ochib, eng oxiriga quyidagi satrni qoʻshing: {{subst:oʻchirishga3|s=Qudratilla Samadov}} Sahifa muallifining munozara sahifasiga quyidagi satrni qoʻshing: {{subst:afd notice|Qudratilla Samadov}} ~~~~

Qudratilla Samadov (30-may 1960, Toshkent) — oʻzbek doirachisi, joʻrnavoz, pedagog va anʼanaviy ijrochilik ustasi. U Oʻzbek milliy musiqa sanʼatini, xususan doira ijrochiligi anʼanasini rivojlantirish va yoshlarga yetkazishda salmoqli hissa qoʻshgan.

Qudratilla Samadov 1960-yil 30-mayda Toshkent shahrining Shayxontohur tumani, Chorsu dahasidagi Langar mahallasida ishchilar oilasida tugʻilgan. 1967-yilda Shayxontohur tumanidagi 1-sonli oʻrta maktabda taʼlimni boshlagan. Yoshligidan musiqaga, xususan doira ijrochiligiga mehr qoʻygan. 1969-yilda akasi Rahmatilla Samadov uni Bolalar va oʻsmirlar madaniyat saroyi qoshidagi doirachilar toʻgaragiga olib bordi. U yerda Oʻzbekistonda xizmat koʻrsatgan artist Toʻychi Inogʻomov rahbarligida tahsil oldi.

Toʻgarakda u Usta Olim Komilovning doira darsligini oʻrganib, “Tantana”, “Oltinkul”, “Sarboz”, “Qoʻshqars” kabi kuylarni ijro etishni puxta egalladi. Yosh isteʼdod tez orada ustozlar eʼtiboriga tushdi va 1972-yilda sanʼatkorlar Elmurod Islomov va Hasan Azimovlar bilan bir qatorda Moskvada oʻtkazilgan Xalqaro festivalda ishtirok etdi.

U 7 yil davomida nafaqat doira ijrochiligi, balki raqs sinfida joʻrnavozlik faoliyatini ham olib bordi. Bu dargohda Oʻzbekiston xalq artisti Maʼmura Ergasheva bilan ham ishlagan.

Qudratilla Samadov 1977-yilda oʻrta maktabni tamomlab, Hamza nomidagi musiqa bilim yurtining “Xalq cholgʻulari” boʻlimiga oʻqishga kirdi. U yerda ustoz Yoʻldosh Toʻlaganovdan doira ijrochiligi, Viktor Mixaelovich Karatkovdan esa Yevropa urma zarbli cholgʻularini oʻrgandi. 1981-yilda bilim yurtini aʼlo baholar bilan bitirib, Toshkent davlat konservatoriyasining “Sharq musiqasi” boʻlimiga qabul qilindi. U yerda ham zabardast ustozlar qoʻlida tahsil oldi.

Oʻqishni tamomlagach, Oʻzbekiston xalq hofizi Orif Alimaxsumov tavsiyasi bilan Yunus Rajabiy nomidagi maqomchilar ansambliga ishga qabul qilindi. U bu jamoada 1994-yilgacha faoliyat yuritib, ustozlar ijrolarini magnit tasmalarga va plastinkalarga yozishda ham faol ishtirok etdi.

1995-yildan boshlab Hamza Hakimzoda Niyoziy nomidagi musiqa bilim yurtida pedagogik faoliyatni boshlagan. Koʻplab isteʼdodli shogirdlar tayyorlab, ularning aksariyati xalqaro va respublika miqyosidagi tanlovlarda sovrindor boʻlishgan.

2018-yildan Oʻzbekiston davlat konservatoriyasining “Musiqiy taʼlim” kafedrasida, 2020-yildan esa Yunus Rajabiy nomidagi Oʻzbek milliy musiqa sanʼati instituti “Vokal va cholgʻu pedagoglari tayyorlash” kafedrasida mehnat faoliyatini davom ettirib kelmoqda.

Qudratilla Samadov bugungi kunda Oʻzbek doira ijrochilik maktabining vakili sifatida tanilgan. U yetishtirgan shogirdlar respublikaning turli hududlarida, sanʼat maktablari va kollejlarida faoliyat yuritmoqda.

^[1]