Quyosh pechi

Қуёш печи — материалларни қуёш нури ёрдамида эритиш ва уларга қуёш нури иссиқлиги билан ишлов бериш учун мўлжалланган қурилма. Гелиоқу-рилманинг бир тури. Қуёш печи қисқа фокусли гелиоконсентратор, Қуёш нурини қабул қилувчи қурилма (печ) ва қуёш ҳаракатини кузатиб борувчи автоматик тизим (қурилма ўқини доимо Қуёшга қарайдиган қилиб узлуксиз буриб туради) дан иборат. Қабул қилиш қурилмаси гелиоконсентратор фокусида жойлашган бўлиб, ёруғлик ўтказувчи туйнукли камерадан иборат. Камера ичида вакуум ва инерт гази атмосферасини яратиш мумкин. Кўпгина Қуёш печи Қуёш кетидан буриладиган ориентатор (қуёш нурини гелиокон-сентраторга йўналтириб берувчи ясси ойна) билан жиҳозланади.