Radjabov Bunyod Abduxalilovich
Radjabov Bunyod Abduxalilovich (1995-yil 8-sentyabr, Toshkent viloyati) — O‘zbekistonlik davlat xizmatchisi, iqtisodchi olim, iqtisodiyot fanlari bo‘yicha falsafa doktori (PhD). Hozirgi kunda Toshkent shahar Kasbiy ta’lim boshqarmasi boshlig‘i lavozimida faoliyat yuritadi.
Ta'limi
2017–2021-yillarda Toshkent davlat iqtisodiyot universitetida “Iqtisod” ta’lim yo‘nalishi bo‘yicha bakalavr darajasini olgan.
2021–2022-yillarda Jahon iqtisodiyoti va diplomatiya universitetining “Xalqaro iqtisodiyot va menejment” mutaxassisligi bo‘yicha magistratura bosqichini tamomlagan.
2022-yilda “Navoiy” davlat stipendiyasi sovrindori bo‘lgan.
2025-yildan O‘zbekiston Respublikasi Prezidenti huzuridagi Davlat siyosati va boshqaruvi akademiyasi tinglovchisi hisoblanadi.
Mehnat faoliyati
2022-yilda Toshkent shahri Mirzo Ulug‘bek tumanida tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hokim yordamchisi lavozimida faoliyat yuritgan.
2023-yilda Mirzo Ulug‘bek tumani hokimining o‘rinbosari lavozimida ishlagan.
2023-2025-yillarda Oliy ta’lim, fan va innovatsiyalar vazirligining Toshkent shahar hududiy boshqarmasi boshlig‘i lavozimida faoliyat yuritgan.
2026-yildan Toshkent shahar Kasbiy ta’lim boshqarmasi boshlig‘i lavozimida ishlab kelmoqda.
Ilmiy faoliyati
2024-yilda “O‘zbekistonda korporativ qimmatli qog‘ozlar bozorini rivojlantirish yo‘llari” mavzusidagi dissertatsiyasini himoya qilib, iqtisodiyot fanlari bo‘yicha falsafa doktori (PhD) ilmiy darajasini olgan.
Hozirda Toshkent davlat iqtisodiyot universitetining “Raqamli iqtisodiyot va xalqaro raqamli integratsiya” kafedrasida “Sun’iy intellekt texnologiyalari orqali oliy ta’limni raqamli iqtisodiyotga transformatsiyalash” mavzusida iqtisodiyot fanlari doktori (DSc) ilmiy darajasini olish uchun mustaqil izlanuvchi sifatida ilmiy faoliyat olib bormoqda.
U iqtisodiyot, moliya bozorlari, raqamli iqtisodiyot, sun’iy intellekt va ta’limni raqamlashtirish masalalariga bag‘ishlangan 50 dan ortiq ilmiy maqolalar muallifi hisoblanadi. Shuningdek, Intellektual mulk agentligi tomonidan ro‘yxatdan o‘tkazilgan mualliflik guvohnomalariga ega.
Mukofotlari
2022-yil - “Navoiy” davlat stipendiyasi sovrindori.
2025-yil - “Oliy ta’lim a’lochisi” ko‘krak nishoni.