Rahmatulla Ortiqov
Раҳматулла Ортиқов (1899-йил таваллуд топган – 1965-йил 29-майда вафот этган[1]) – Совет иқтисодий, давлат ва сиёсий арбоби, Ўзбекистон ССР Наманган вилояти Чортоқ тумани „Москва“ колхозининг раиси, Ўзбекистон ССР Олий Совети депутати ва Социалистик Меҳнат Қаҳрамони. Ленин ордени ва „Ўроқ ва болға“ олтин медали соҳиби[2].
| Раҳматулла Ортиқов | |
|---|---|
| Таваллуди |
1899-йил |
| Вафоти | 29-май 1965-йил (66 ёш) |
| Унвони |
 |
| Мукофотлари |
  |
Ҳаёти ва фаолияти
1899-йилда Туркистон ўлкаси Фарғона вилояти Наманган уездида туғилган. КПСС аъзоси.
1914-йилдан – иқтисодий, ижтимоий ва сиёсий ишларда қатнашган. 1914—1960-йилларда мардикор, ўз хўжалигида деҳқон, биргаликда ер етиштириш бўйича маҳаллий ширкатдаги деҳқон, Ўзбекистон ССР Наманган вилояти Чортоқ тумани „Москва“ колхозининг раиси.
Ҳукуматнинг уруш шароитида қишлоқ хўжалигини ривожлантириш бўйича топшириқларини муваффақиятли бажаргани учун колхоз раиси Раҳматулла Ортиқов икки марта "Меҳнат Қизил Байроқ" ордени билан тақдирланган[3].
Қурғоқчилик вақтида 1946-йилда Чортоқ „Москва“ колхози пахтакорлари Наманган вилоятида энг юқори „оқ олтин“ ҳосилига эришгани учун колхоз раис Раҳматулла Ортиқов Ленин ордени билан тақдирланди. Буюк Октябр Социалистик инқилобининг 40 йиллиги арафасида „Москва“ колхози меҳнаткашлари 1956-йил 31-октабрда Наманган вилоятида энг юқори пахта ҳосилини топширишган (гектарига 38,5 сентнердан). „Москва“ колхози 1956-йилда ўз зиммасига олган социалистик мажбуриятларини ўтган йилга нисбатан 26 кун олдинроқ ва режадан ортиқ 100 тонна пахта топширди.
СССР Олий Совети Президиумининг 1957-йил 11-январдаги фармони билан совет пахтачилигини ривожлантиришда эришилган улкан муваффақиятлар, пахта етиштиришда фан ютуқлари ва илғор тажрибалардан кенг фойдаланилгани, пахта хомашёсидан юқори ва барқарор ҳосил олгани учун у Ленин ордени ва „Ўроқ ва болға“ олтин медали билан ҳамда Социалистик Меҳнат Қаҳрамони унвони билан тақдирланган[3]. 4-чақириқ Ўзбекистон ССР Олий Совети депутати этиб сайланган. 1965-йил 29-майда вафот этган.
Мукофотлари
- Ленин ордени
- „Ўроқ ва болға“ олтин медали
- Социалистик Меҳнат Қаҳрамони
Манбалар
- ↑ „Раҳматулла Ортиқов“. Совет Ўзбекистони (1965-йил 1-июн), с. 4. 2024-йил 28-августда асл нусхадан архивланган. Қаралди: 2024-йил 28-август.
- ↑ „Раҳматулла Ортиқов биографияси“.
- ↑ 3,0 3,1 Кавалери ордена Слави трёх степеней: Краткий биографический словар / Пред. ред. коллегии Д. С. Сухоруков. – М.: Воэниздат, 2000. – 703 с. – 10 000 экз. – ИСБН 5-203-01883-9.