Rajab Hayitov
| Ражаб Ҳайитов | |
|---|---|
| Таваллуди |
15-март 1932-йил Сурхондарё вилояти, Жарқўрғон тумани |
| Институтлар | Термиз педагогика билим юрти, Тошкент давлат университети |
| Илмий унвони | Ҳуқуқшунослик фанлар номзоди |
| Мукофотлари |
„В.И.Ленин туг’илган кунининг 100 йиллиги“ (1970)[1] „1941-1945-йиллардаги Улуг’ Ватан урушининг 30 йиллик г’алабаси“ (1975)[1] |
Ражаб Ҳайитов (1932-йил 15-март, Жарқўрғон тумани) – педагог, „В. И. Ленин туғилган кунининг 100 йиллиги“, „1941—1945-йиллардаги Улуғ Ватан урушининг 30 йиллик ғалабаси“ медалларига сазовор бўлган олим[1].
Ҳаёти
Ражаб Ҳайитов – 1932-йилнинг 15-март куни Сурхондарё вилоятидаги Жарқўрғон туманида (ҳозирги Ангор) таваллуд топган. 1948-йилда Қизил Юлдуз қишлоғидаги Ломоносов номидаги мактабнинг 7-синфини тугатган. Шундан сўнг, Термиз давлат педагогика институтига ўқишга қабул қилинган ва институтни бошланғич синфлар ўқитувчиси дипломи билан битирган[1].
Иш фаолияти
Ражаб Ҳайитов меҳнат фаолиятини уруш йилларидан бошлаган. Бу пайтда Ражаб Ҳайитов 14 ёшда эди. Дастлаб, Қизил Юлдуз қишлоғида оддий колхозчи, сўнгра пахта бригадасида табелчи сифатида фаолият олиб борган. 1948-йилда „1941—1945-йилларда Улуғ Ватан урушида шавкатли меҳнати учун“ медалига сазовор бўлган. Ражаб Ҳайитовнинг кейинги фаолияти ҳам қишлоқ хўжалиги билан боғлиқ бўлган. Пахта компаниясида фаол иштирок этганлиги учун Ўзбекистон ССР Олий Советининг фахрий ёрлиғи билан тақдирланган. 1952-йилда Ражаб Ҳайитов Тошкент Давлат Университетининг (ҳозирги ЎзМУ) ҳуқуқшунослик факултетига ўқишга қабул қилинган. Тўрт йилдан сўнг, университетни аъло диплом билан тугатган. Талабалик даврида ўзи ўқиётган курснинг Комсомол бюроси секретари ҳамда шу курснинг касаба котиби сифатида фаолият юритган. Институтнинг иккинчи курсида ўқиб юрган пайтида партия аъзолигига қабул қилинган. Фаол меҳнатлари учун комсомоллик даврида „Ўзбекистон Ленин комсомоли“ фахрий ёрлиғи билан мукофотланган. 1952-йилда Тошкент қишлоқ хўжалиги институтининг археология факултетида сиртқи таълим олишни бошлган. 1962-йилда Янги ерларни ўзлаштириш чақириғи сабабли Ражаб Ҳайитов Мирзачўл туманидаги „Комсолобод“ га келган. Бу ерда агроном сифатида фаолият олиб борган. Кейинчалик, ташкил этилган қишлоқ хўжалигини механизациялаш техникумида ўқитувчи бўлиб ишлаган. Сариосиёда, кейинчалик эса Деновда суд раиси сифатида фаолият юритган. Шундан сўнг эса адвокат бўлиб ишлай бошлаган[1].
Ижодий фаолияти
1973-йилда Ўзбекистон Фанлар Академияси фалсафа ва ҳуқуқ институтининг сиртқи аспирантурасига кириб, 1977-йилда ўқишни тамомлаган. Ўзбекистон ўрмон хўжалигини бошқариш масалалари ва Ўзбекистон ўрмон хўжалигини сақлашга оид ўндан ортиқ илмий асарларини босмадан чиқарган. 1980-йилда Қишлоқ хўжалиги журналида „Тоғ ўрмонларини асраш“ номли мақоласи нашрдан чиқарилган. 1981-йилнинг январ ойида табиатни қўриқлаш ҳуқуқи мавзусида диссертация ёқлаб, ҳуқуқшунослик фанлари номзоди унвонига сазовор бўлган[1].