Ziyosfera

Ramin Rezaeian

Рамин Резаэиан Семесканди (رامین رضائیان سمسکندی (форс тили) 1990-йил 21-мартда туғилган) – эронлик профессионал футболчи, „Эстегҳлал“ клуби ва Эрон миллий терма жамоаси ҳимоячиси.

Рамин Резаэиан
Резаэиан 2025-йилда
Шахсий маълумот
Тўлиқ исми Рамин Резаэиан Семесканди[1]
Таваллуд санаси 1990-йил 21-март (1990-03-21) (36 ёш)
Таваллуд жойи Сари, Мозандарон устони Эрон
Бўйи 1.84 м[1]
Амплуаси Ўнг қанот ҳимоячиси
Клуб маълумоти
Жорий клуб
 Эстегҳлал
Рақами 10
Ёшлигида аъзо бўлган клублар
2002–2008 Шаҳрдари Сари
2008–2009 Шенса-е Теҳран
Профессионал фаолияти*
Йиллар Жамоа Ишт. (Гол.)
2009–2013 Саба Қом 65 (4)
2013–2015 Раҳ Аҳан 56 (11)
2015–2017 Персеполис 41 (9)
2017–2018 КВ Оостенде 25 (2)
2018–2020 Ал Шаҳаниа 32 (16)
2020–2022 Ал-Дуҳаил 13 (3)
2021–2022 →  Ал-Саилия 32 (16)
2022 Персеполис 13 (0)
2022–2024 Сепаҳан 56 (15)
2024– Эстегҳлал 50 (14)
Миллий терма жамоа
2015– Эрон 77 (10)
*Профессионал клублардаги голлари (ички чемпионат)
(2026-йил 27-феврал учун)

У фаолиятини ўнг қанот ҳимоячиси сифатида бошлаган бўлсада бир неча ўйинларда қанот вингери позициясида ҳам тўп сурган. Резаэиан 2018-йилги ФИФА Жаҳон чемпионати саралаши давомида бош мураббий Карлос Кейруш томонидан терма жамоасининг асосий ўнг қанот ҳимоячиси сифатида майдонга туширилган. Тезлиги ва жисмоний тайёргарлиги билан танилган футболчи Эрон футболи тарихидаги энг яхши қанот ҳимоячилардан бири сифатида эътироф этилади.

Ёшлиги

Резаэиан Мозандарон вилояти, Сари туманига қарашли Семес Кандеҳ-е Оля қишлоғида туғилган[2].

Клублардаги карераси

Саба Қом

Резаэиан 2013-йилгача „Саба Қом“ жамоасида ўтказган. У клуб сафида жами 98 та ўйин ўтказиб, етти та гол муаллифи бўлган[3].

Раҳ Аҳан

Резаэиан 2013-йилда Теҳроннинг „Раҳ Аҳан“ клуби билан уч йиллик шартнома имзолаган. 2014–2015-йилги мавсумдаги муваффақиятли ўйинлари ортидан у лига­нинг энг яхши қанот ҳимоячиларидан бири сифатида эътироф этилган ва миллий жамоадан ҳам чақирув олган. 2015-йил 3-апрелда Резаэиан жамоадаги дебют голини „Персеполис“га қарши (2:2) учрашувда киритган. Икки ҳафтадан сўнг, 17-апрелда бўлиб ўтган „Эстегҳлал Кҳузестан“га қарши 2:2 ҳисобида якунланган баҳсда дубл қайд этган.

Персеполис

Резаэиан 2015-йил 27-июнда „Персеполис“ клуби билан икки йиллик шартнома имзолаган[4]. У клубдаги илк голини „Сиаҳ Жамеган“ клубига қарши учрашувда киритган. 2015-йил 26-декабрда Резаэиан „Падидеҳ“га қарши ўйиннинг сўнгги дақиқаларида 30 ярд масофадан жарима зарбасини аниқ амалга ошириб жамоасининг 2:2 ҳисобидаги дуранггини таъминлаб берган. 2016-йил ёзида Туркия Суперлигасининг „Ризеспор“ жамоаси билан шартнома имзолаган бўлса-да, Резаэиан кейинчалик бу келишувни бекор қилди ва яна „Персеполис“га қайтган[5].

Оостенде

„Персеполис“нинг асосий рақиби „Эстегҳлал“ клубидан келган таклифни рад этганидан сўнг, Резаэиан 2017-йил 9-июлда тиббий кўрикдан муваффақиятли ўтгач, Белгиянинг „К.В. Оостенде“ жамоаси билан икки йиллик шартнома имзолади. Рамин ўзининг дебютини 2017-йилнинг 27-июлида Европа Лигасининг учинчи саралаш босқичи доирасидаги Франсиянинг „Олймпиқуэ де Марсеилле“ клубига қарши ўтказди. Учрашув 4:2 ҳисобида франсузлар фойдасига якунланди ва Резаэиан бу баҳсда тўлиқ 90 дақиқа майдонда ҳаракат қилди.

Ал Шаҳания

2018-йилнинг 6-ноябрида Резаэиан Қатар Юлдузлар Лигаси вакили „Ал Шаҳания“ клуби таркибига бориб қўшилди[6]. 8-ноябр куни у клубдаги илк ўйинида „Ал-Дуҳаил“га қарши баҳсда жарима тўпини аниқ амалга ошириб ўз ҳисобига гол ёздириб қўйди. 23-ноябр куни эса у жамоа таркибидаги иккинчи ўйинида „Ал Кҳараитият“га қарши 1:0 ҳисобида якунланган ўйинда жамоанинг ягона голига ассистентлик қилди.

Ал-Дуҳаил

2020-йилнинг 22-августида Резаэиан Қатар Юлдузлар Лигаси чемпиони „Ал-Дуҳаил“ билан икки йиллик шартнома имзолади[7].

Ал-Саилия

„Ал-Дуҳаил“даги мураббий алмашинувидан сўнг, Резаэин „Ал-Саилия“ жамоасига ижарага берилди[8].

Персеполис

2022-йил 12-февралда Резаэиан Форс кўрфази Про лигаси чемпиони „Персеполис“ билан шартнома имзолади[9][10].

Сепаҳан

2022-йил 15-июлда Резаэиан Форс кўрфази Про лигаси вакили "Сепаҳан" билан шартнома имзолади[11].

Манбалар

  1. ↑ 1,0 1,1 „ФИФА Wорлд Cуп Қатар 2022 – Сқуад лист: ИР Иран (ИРН)“. ФИФА (2022-йил 15-ноябр). Қаралди: 2022-йил 15-ноябр.
  2. ↑ „ملی پوشان مازندرانی در پی درخشش در جام جهانی فوتبال“ (фа). ИРИБ Неwс. Қаралди: 2018-йил 5-октябр.
  3. ↑ „Ираниан Премиэр Леагуэ Стац: 2018-2019 Сеасон“. ИПЛстац.cом. Қаралди: 2018-йил 5-октябр.
  4. ↑ „بازیکن تیم ملی فوتبال ایران سرخپوش شد“ [Иран натионал теам плаер беcаме а ред-wеарер] (фа). ФC-Персполис.cом. Қаралди: 2018-йил 5-октябр.
  5. ↑ „فوتبالی‌ترین - پاسخ منفی رضاییان به پیشنهاد تیم ترکیه‌ای“. фоотбаллитарин.cом.
  6. ↑ „Қатар'с Ал Шаҳаниа Сигнс Ираниан Рамин Резаэиан“. таснимнеwс.cом (2018-йил 6-ноябр). Қаралди: 2018-йил 6-ноябр.
  7. ↑ „Ал-Дуҳаил сигнс Ираниан wингер Рамин Резаэиан“ (эн). Меҳр Неwс Агенcй (2020-йил 23-август). Қаралди: 2022-йил 10-июл.
  8. ↑ „Рамин Резаэиан жоинс Ал Саилия cлуб“ (эн). Теҳран Тимес (2021-йил 1-январ). Қаралди: 2022-йил 10-июл.
  9. ↑ „رسمی؛ رامین رضاییان به پرسپولیس پیوست (عکس)“ (фа). ورزش سه. Қаралди: 2022-йил 12-феврал.
  10. ↑ „رامین رضاییان رسماً به پرسپولیس برگشت- اخبار فوتبال ایران - اخبار ورزشی تسنیم | Тасним“ (фа). خبرگزاری تسنیم | Тасним. Қаралди: 2022-йил 12-феврал.
  11. ↑ „رضاییان به سپاهان پیوست (عکس)“ (фа). ورزش سه. Қаралди: 2022-йил 15-июл.

Ҳаволалар

Викиомборда „Рамин Резаэиан“ мавзуси бўйича медиафайллар бор. 
"https://new.ziyosfera.uz/ziyo/Ramin_Rezaeian" dan olindi