Ziyosfera

Ramz Bobojon

Википедияда исми Рамз ва фамилияси Бобожонов бўлган бошқа кишилар ҳақида ҳам мақолалар мавжуд.

Рамз Бобожон (тахаллуси; асл исм-шарифи Бобожонов Рамз, 1921-йил 2-декабр, Тошкент) — шоир ва драматург. Ўзбекистон халқ шоири (1981). Ўзбекистонда хизмат кўрсатган санъат арбоби (1971). Тошкент педагогика институти (1944) ва шу институт аспирантураси (1955)ни тугатган. „Ленин учқуни“ (ҳозирги „Тонг юлдузи“) газетасида бўлим мудири, муҳаррир, Ёзувчилар уюшмасида маслаҳатчи (1949-1959), Ёзувчилар уюшмаси правлениеси котиби (1960—1963; 1968—80), Бадиий адабиёт нашриёти директори (1963— 1967), Ўзбекистон „Ватан“ жамияти правлениеси раиси (1981—1986) лавозимларида хизмат қилган.

Рамз Бобожон
Таваллуди 2-декабр 1921-йил
Тошкент
Вафоти 31-декабр 2008-йил(2008-12-31)
(87 ёшда)
Тошкент
Мукофотлари

Ижоди 1936-йилдан бошланган. „Шеърлар“ (1939), „Ҳадя“ (1940), „Олтин камалак“, „Водийни кезганда“ (1949), „Танланган асарлар“ (1958), „Севги сирлари“ (1963), „Шеърлар“ (1965), „Сенга, севгилим“ (1969), „Мухаббатга таъзим“ (1980), „Сенинг меҳринг“ (1997), „Сурайё юлдузидан шуълалар“ (2001) шеърий китоблар муаллифи.

Рамз Бобожон достон жанрида ҳам ижод этиб, „Қадрдон дўстлар“ (1948), „Биринчи парвоз“ (1955), „Бобом билан суҳбат“ (1967), „Оби ҳаёт“ (1969), „Ҳиндистон онаси“ (1972), „Баҳс“ (1973) сингари лироэпик асарлар яратган.

„Тоға-жиянлар“ (1961), „Инсу жинс ёки Тирик мурдалар“ (1972), „Зуҳранинг мактублари“ (1975) комедиялари, шунингдек, „Юсуф ва Зулайҳо“ мусиқали драмаси (1981) республика театрлари саҳналарида қўйилган. „Зуҳранинг мактублари“ комедияси „Лўлини алдаб бўлмайди“ номи билан Москвадаги „Ромен“ театрида саҳналаштирилган. „Юсуф ва Зулайҳо“ мусиқали драмаси асосида эса 5 серияли телевизион филм яратилган.

Рамз Бобожон Г. Ибсен („Арвохлар“), А. Т.Твардовский („Василий Тёркин“), М.И.Алигер („Зоя“), Наби Ҳизрий („Севгим, севгилим“) ва бошқа адибларнинг асарларини ўзбек тилига таржима қилган. „Эл-юрт ҳурмати“ ордени билан мукофотланган (2003).[1][2][3][4][5][6][7]

Манбалар

  1. ↑ ЎзМЕ. Биринчи жилд. Тошкент, 2000-йил
  2. ↑ * ҳттп://уза.уз/уз/cултуре/озбекистон-халқ-шоири-рамз-бобожон-31.12.2008-6231[сайт ишламайди]
  3. ↑ * Сайланма [3 ж.ли], 1—3ж.лар, Т., 1983-1985.
  4. ↑ * Носиров Э., Рамз Бобожон, Т., 1974.
  5. ↑ * ҳттп://кҳ-даврон.уз/таг/рамз-бобожон
  6. ↑ * ҳттп://www.зиёуз.cом/индех.пҳп?оптион=cом_cонтент&таск=виэw&ид=2408
  7. ↑ * ҳттп://н.зиёуз.cом/адабиёт/зиёлилар/рамз-бобожон-1921-2008 (Wайбаcк Мачине сайтида 2017-11-12 санасида архивланган)

Ҳаволалар




"https://new.ziyosfera.uz/ziyo/Ramz_Bobojon" dan olindi