Rasim Akchurin

Расим Акчурин Сулаймонович
Таваллуди	1931-йил 24-декабр (94 ёш); Тошкент вилояти, Зангиота тумани
Қўшин турлари	ҳаво мудофаа кучлари
Хизматдаги йиллари	1951–1992
Унвони	генерал-полковник

Расим Акчурин Сулаймонович (1931-йил 24-декабр; Ўзбекистон ССР, Зангиота тумани) – совет қўмондони, генерал-полковник (17.02.1990). Машҳур кардиожарроҳ академик Ренат Акчуриннинг укаси.

Ҳаёти

Расим Акчурин 1931-йил 24-декабрда Тошкент вилояти, Зангиота тумани, Зангиота қишлоғида ўқитувчи оиласида туғилган. 1933-йилдан бошлаб Андижонда, ота-онасининг янги иш жойида яшай бошлаган. 1949-йилда Андижондаги ўрта мактабни тугатган. 1949-йилдан М. И. Калинин номидаги Ленинград политехника институтида таҳсил олган^[1].

1951-йилда институтнинг иккинчи курсини тамомлаб, Совет Армияси сафига чақирилган. 1954-йилда Ҳаво мудофааси кучларининг 3-Болтиқ зенит-артиллерия мактабини тамомлаган (Латвия ССР, Алуксне шаҳри). 1954-йилдан Туркистон ҳарбий округининг 30-алоҳида ҳаво ҳужумидан мудофаа корпусида взвод командири (Қирғизистон ССР, Майли-Сай қишлоғи), 1957-йилдан С-75 зенит-ракета тизимида взвод командири лавозимларида хизмат қилган.

1970-йилда Ҳаво мудофааси Ҳарбий қўмондонлик академиясини тамомлаган. 1970-йилдан Москва ҳаво мудофааси округида хизмат қилган ва 291-зенит-ракета полкининг командири бўлган (Кострома вилояти Нея шаҳри). 1973-йилдан 16-ҳаво мудофааси корпусининг (Горкий шаҳри) зенит-ракета қўшинлари бошлиғи бўлган. 1974-йилда қўмондон ўринбосари ва 1982-йилда 3-Ҳаво мудофааси корпуси қўмондони (Ярославл), 1982-йилда Москва ҳаво мудофааси округи зенит-ракета кучлари қўмондони бўлган. 1985-йилда мамлакат Ҳаво мудофааси кучларининг зенит-ракета қўшинлари қўмондони бўлган. 1992-йилда захирага ўтказилган.

Расим Акчурин 1993–1996-йилларда Аэрокосмик комплексни конвертация қилиш бўйича Россия марказида маслаҳатчи, 1996–1999-йилларда Россия Федерацияси ҳукумати маъмурий бўлими маслаҳатчиси, 1999-йил январ ойидан август ойигача Россия Федерацияси ҳукумати ҳузуридаги Россия давлат тарихий-маданий марказининг ҳарбий-ватанпарварлик тарбияси бўлими бошлиғи ҳамда 1999-йил августдан Москва таълим бошқармаси Ҳарбий-ватанпарварлик ва фуқаролик таълими маркази директори лавозимларида ишлаган.

Расим Акчурин ижтимоий ишларда фаол иштирок этаган. У 1999-йилдан Москва вилояти татар миллий-маданий автономияси кенгаши раиси, 2014-йилдан эса фахрий раис бўлган. Шунингдек, Москва шаҳар фахрийлар кенгашининг биринчи ўринбосари бўлган.

Мукофотлари

Қизил Байроқ ордени.
иккинчи ва учинчи даражали „СССР Қуролли Кучларида Ватанга хизматлари учун“ ордени.
Жуков медали.
„Россия денгиз флотига 300 йил“ медали.
„Ҳарбий ҳамдўстликни мустаҳкамлагани учун“ медали.
В. И. Ленин таваллудининг 100 йиллиги муносабати билан „Ҳарбий жасорат учун“ юбилей медали.
„1941–1945-йиллардаги Улуғ Ватан урушидаги ғалабанинг йигирма йиллиги“ юбилей медали.
„СССР Қуролли Кучлари фахрийси“ медали.
„Ҳарбий ҳамдўстликни мустаҳкамлагани учун“ медали.
„СССР Қуролли Кучларига 40 йил“ юбилей медали.
„СССР Қуролли Кучларига 50 йил“ юбилей медали.
„СССР Қуролли Кучларига 60 йил“ юбилей медали.
„СССР Қуролли Кучларига 70 йил“ юбилей медали.
Биринчи, иккинчи ва учинчи даражали „Буюк хизматлари учун“ медаллари.
„Куба инқилобий қуролли кучларининг 30 йиллиги“ медали (Куба, 24.11.1986)^[2].
„Дуслйк“ ордени (Татаристон, 2021)^[3].
„Татаристон Республикасига хизматлари учун“ ордени (2016)^[4].

Адабиётлар

Татарский энциклопедический словарь. — Казань: Институт Татарской энциклопедии АН РТ, 1999. — 703 с., илл. ИСБН 0-9530650-3-0
Татарская энциклопедия — Казань: Институт Татарской энциклопедии АН РТ. Том 1, 2002. ИСБН 585247035Х
Биографическая справка о Р. С. Акчурина на сайте «Союза ветеранов Республики Татарстан»
Акчурин Расим: Армия не прощает незнания. Интервью. (Wайбаcк Мачине сайтида 2021-06-15 санасида архивланган)
Александр Гаврилов. Пример для подражания/«Учительская газета», 3 января 2012 г.
«Генерал-полковник Расим Акчурин отмечает 80-летний юбилей»

Манбалар

↑ „Расим Акчурин Сулаймонович“. наилтимлер.cом. 2023-йил 31-октябрда асл нусхадан архивланган. Қаралди: 27-октабр 2023-йил.
↑ Информация о награждении в ОБД „Памят народа“.
↑ „Генерал-полковник Расим Акчурин награжден орденом «Дуслык»“. Полномочное представительство Республики Татарстан в Российской Федерации (2021-йил 24-декабр). 2021-йил 28-декабрда асл нусхадан архивланган. Қаралди: 2021-йил 28-декабр.
↑ „Расим Акчурин награжден медалью ордена «За заслуги перед Республикой Татарстан»“. Газета «Республика Татарстан» (2016-йил 26-декабр). 2021-йил 28-декабрда асл нусхадан архивланган. Қаралди: 2021-йил 28-декабр.

[1] „Расим Акчурин Сулаймонович“. наилтимлер.cом. 2023-йил 31-октябрда асл нусхадан архивланган. Қаралди: 27-октабр 2023-йил.

[2] Информация о награждении в ОБД „Памят народа“.

[3] „Генерал-полковник Расим Акчурин награжден орденом «Дуслык»“. Полномочное представительство Республики Татарстан в Российской Федерации (2021-йил 24-декабр). 2021-йил 28-декабрда асл нусхадан архивланган. Қаралди: 2021-йил 28-декабр.

[4] „Расим Акчурин награжден медалью ордена «За заслуги перед Республикой Татарстан»“. Газета «Республика Татарстан» (2016-йил 26-декабр). 2021-йил 28-декабрда асл нусхадан архивланган. Қаралди: 2021-йил 28-декабр.

[1]

[2]

[3]

[4]

Расим Акчурин Сулаймонович
Таваллуди	1931-йил 24-декабр (1931-12-24) (94 ёш) Тошкент вилояти, Зангиота тумани
Қўшин турлари	ҳаво мудофаа кучлари
Хизматдаги йиллари	1951–1992
Унвони	генерал-полковник