Rauf Nabiyev
Рауф Набиев (асл исми — Набиев Абдурауфбек Абдураззоқ ўғли; 1992-йил 6-октабр, Тошкент) — ўзбекистонлик режиссёр ва клипмейкер. Ўзбекистон Республикаси маданият вазирининг рақамли технологиялар ва сун’ий интеллект технологияларини ривожлантириш масалалари бўйича маслаҳатчиси.[1] 2025-йилда „Шуҳрат“ медали билан тақдирланган.[2]
| Рауф Набиев | |
|---|---|
Набиев Абдурауфбек Абдураззоқ ўғли | |
 | |
|
Мансаб даври 2025-йил декабрдан – ҳозиргача | |
| Президент | Шавкат Мирзиёев |
| Вазир | Озодбек Назарбеков |
| Шахсий маълумотлари | |
| Таваллуди |
1992-йил 6-октябр Тошкент |
| Касби | режиссёр, клипмейкер |
| Мукофотлари |
 |
Ижодий фаолияти
Набиев мусиқий видеолар режиссёри ва клипмейкер сифатида фаолият юритган. У Озодбек Назарбеков, Жаҳонгир Отажонов, Улуғбек Раҳматуллаев[3], Гулсанам Мамазоитова, Сардор Раҳимхон, Тоҳир Содиқов, Озода Нурсаидова ва „Уммон“ гуруҳи каби сан’аткорлар билан ишлаган.[4]
У „Уммон“ гуруҳининг „Жоним, юр“, Жаҳонгир Отажоновнинг „Қадди баланд“ ва Улуғбек Раҳматуллаевнинг „Дилам“ қўшиқларига ишланган мусиқий видеоларга режиссёрлик қилган.[5]
Сун’ий интеллект билан боғлиқ ишлари
2025-йилда Набиев футбол бўйича Ўзбекистон миллий терма жамоасининг Жаҳон чемпионатига йўлланма олиши муносабати билан сун’ий интеллект ёрдамида видео тайёрлаган.[6] Шу йили у Озодбек Назарбеков ижросидаги „Уйғон, ўғлим“ мусиқий видеоклипининг ғоя муаллифи ва режиссёри бўлган. Ушбу видеоклип ҳам сун’ий интеллект технологиялари ёрдамида тайёрланган.[7] 2026-йилда у Хива тарихи ва сивилизациясига бағишланган „Арда“ ҳужжатли филмини тайёрлаш жараёнида иштирок этган. Филм сун’ий интеллект ёрдамида яратилган тасвирлардан фойдаланган ҳолда икки ой давомида тайёрланган.[8]
Маданият вазирлигидаги фаолияти
2025-йил декабрда Набиев Ўзбекистон Республикаси маданият вазирининг сун’ий интеллектни ривожлантириш масалалари бўйича маслаҳатчиси этиб тайинланган.[9] 2026-йилда у маданият вазирининг рақамли технологиялар ва сун’ий интеллект технологияларини ривожлантириш масалалари бўйича маслаҳатчиси лавозимида фаолиятини давом эттирган.[10]
Мукофотлари
Манбалар
- ↑ „Маданият вазирлигининг навбатдаги Ҳай’ат йиғилиши бўлиб ўтди“.
- ↑ „Ўзбекистон Республикаси мустақиллигининг ўттиз тўрт йиллиги муносабати билан фан, та’лим, соғлиқни сақлаш, спорт, адабиёт, маданият ва сан’ат соҳалари ҳамда оммавий ахборот воситалари ходимларидан бир гуруҳини мукофотлаш тўғрисида“.
- ↑ „Биттагина клип учун бутун бошли машинанинг пули. Ўзбекистонлик хонандалар 3-4 дақиқалик видео учун қанча харажат қилади?“.
- ↑ „Режиссёр Абдурауфбек Набиев „Шуҳрат“ медали билан тақдирланди“.
- ↑ „Ўзбекистонлик хонандалар 3–4 дақиқалик видео учун қанча харажат қилади?“.
- ↑ Аҳмад Муҳаммадов.. „Рауф Набиев Ўзбекистон миллий футбол терма жамоасига бағишлаб кино тақдим қилди“.
- ↑ „Озодбек Назарбековнинг „Уйғон ўғлим“ номли янги мусиқий видеоклипи намойиш этилди“.
- ↑ „Маданият вазирлигида матбуот анжумани ўтказилди“.
- ↑ „Вазирликда Бош прокуратура томонидан ўтказилган ўрганиш якунлари ҳамда келгусидаги устувор вазифалар муҳокама этилди“.
- ↑ „Маданият вазирлиги ходимлари сун’ий интеллект технологиялари бўйича ўқитилмоқда“.
- ↑ „Президент фан, та’лим, соғлиқни сақлаш, маданият каби соҳа вакилларидан бир гуруҳини тақдирлади“.
Ҳаволалар
- Рауф Набиев ИМДбда (ингл.)