Ravi Kumar Dahiya
Рави Кумар Даҳия (ҳиндча: रवि कुमार दहिया; туғ. 1997-йил 12-декабр, Наҳри, Сонипат тумани, Харяна, Ҳиндистон) — ҳиндистонлик эркин курашчи, 57 кг гача вазн тоифасида, Ҳиндистон терма жамоаси аъзоси. Жаҳон чемпионати совриндори, уч карра Осиё чемпиони. 2020-йилги Ёзги Олимпиада ўйинлари кумуш медали совриндори.
| Рави Кумар Даҳия | |
|---|---|
 | |
| Шахсий маълумотлари | |
| Жинси | эркак |
| Таваллуд пайтидаги исми | ҳиндча: रवि कुमार दहिया |
| Фуқаролиги |
 Ҳиндистон |
| Таваллуд санаси |
1997-йил 12-декабр Наҳри, Сонипат тумани, Харяна, Ҳиндистон |
| Вазни | 57 кг гача |
| Спорт | |
| Қайси спорт | эркин кураш |
Карера
Ҳиндистонга кўплаб юқори тоифали курашчиларни берган Харяна штатида туғилган унинг ёшлигидан кураш билан шуғулланиши табиий эди. 10 ёшида у Ню Делига кўчиб ўтди ва у ерда унга Чҳатрасал стадионида хона берилди, унда унинг ҳамюрти, Сонипат туманида туғилган Ёгешwар Дутт (икки карра Осиё чемпиони ва 2012-йилги Ёзги Олимпиада ўйинлари бронза медали совриндори). Даҳия Сатпал Сингҳ қўл остида машқ қилди.
2013-йил июн ойида Улан-Баторда (Монголия) Рави Даҳия ёшлар ўртасидаги Осиё чемпионатининг кумуш медали совриндори бўлди. 2015-йилнинг июн ойида Мянмада ўсмирлар ўртасида Осиё чемпиони бўлди[1]. Ўша йили сентябр ойида Бразилияда ўтказилган ўсмирлар ўртасидаги Жаҳон чемпионатида у финалда озарбайжонлик Маҳир Амираслановга ютқазиб[2], кумуш медални қўлга киритди. 2018-йилда ноябр ойида Бухарестда (Руминия) у биринчи ўрин учун курашда япониялик Тоширо Хасегавага ютқазиб[3], У23 ёшлар ўртасидаги Жаҳон чемпионатининг кумуш медали совриндорига айланди.
2019-йил апрел ойида у катталар ўртасидаги Осиё чемпионатида дебют қилди ва бронза учун курашда япониялик Юки Такаҳашига ютқазиб, 5-ўринни эгаллади. 2019-йил сентябр ойида Нур-Султонда бўлиб ўтган Жаҳон чемпионатида бронза медали соҳиби бўлди ва бу унга 2020-йилда Токиода бўлиб ўтадиган Олимпиада ўйинларида қатнашиш ҳуқуқини берди[4]. 2020-йилда катталар ўртасида Осиё чемпиони бўлди, бир йилдан кейин эса бу муваффақиятини такрорлади.
2021-йил 5-августда Токиода (Япония) Ёзги Олимпиада ўйинларида у финалда россиялик Заур Угуэвга ютқазиб, кумуш медални қўлга киритди[5][6].
Медал натижалари
Ёзги Олимпиада ўйинлари
| Олимпиада | Интизом | Ўрин |
|---|---|---|
 Токио 2020-йил
|
эркин кураш, 57 кг гача, эркаклар |  Кумуш
|
Осиё чемпионати
| Кураш бўйича Осиё чемпионати | Интизом | Ўрин |
|---|---|---|
 2020-йилда Ню Дели
|
эркин кураш, 57 кг гача, эркаклар |  Олтин
|
 2021-йилда Олмаота
|
эркин кураш, 57 кг гача, эркаклар | Олтин
|
 2022-йилда Улан-Батор
|
эркин кураш, 57 кг гача, эркаклар | Олтин
|
Манбалар
- ↑ ҳттпс://www.иат.уни-леипзиг.де/датенбанкен/дбwрестлинг/датен.пҳп?спид=48Д84Д9740БД4382856ЭCФФ0Б9ЭЭ641Ф
- ↑ „Гасангусейн Бадрудинов, Заурбек Сидаков и Арсенали Мусалиев — призёры первенства мира по вольной борьбе в Бразилии“. 2021-йил 8-августда асл нусхадан архивланган. Қаралди: 2021-йил 8-август.
- ↑ „Первенство мира среди спортсменов до 23 лет-2018“. 2021-йил 8-августда асл нусхадан архивланган. Қаралди: 2021-йил 8-август.
- ↑ „Россиянин Угуев взял золото чемпионата мира по борьбе“. 2021-йил 8-августда асл нусхадан архивланган. Қаралди: 2021-йил 8-август.
- ↑ „Россиянин Угуев завоевал золото Олимпиады в вольной борьбе“. 2021-йил 8-августда асл нусхадан архивланган. Қаралди: 2021-йил 8-август.
- ↑ ҳттпс://www.олймпедиа.орг/атҳлетес/143792