Reperforator

Реперфоратор (ре... ва лот. перфораре — бурғилаш, тешиклар очиш) — телеграф аппаратидан келаётган электр сигналларини қабул қилишда қоғоз лентага ўша сигналларга мос равишда автоматик тарзда тешиклар очиб турадиган телеграф қурилмаси. Р. лентада уни тортиб туриш учун мўлжалланган тешикларни ҳам очиб туради. Тешиклар очиш билан бирга лентага телеграмма коди белгиларини ҳам босиб турадиган Р. ҳам бор. У телеграмманинг манзилини ўқишни осонлаштиради. Р. телеграммаларни кайта қабул қилишузатиш билан шуғулланувчи телеграф ст-яларида ишлатилади.