Reproduktiv organlar

Репродуктив органлар (лот. ре тикланиш, такрорланиш маъносида, продуcо — яратаман) — ўсимлик ва ҳайвонларнинг кўпайиш функсиясини бажарадиган органлари. Ўсимликларда П.О. — вегетатив жинссиз ва жинсий кўпайишни амалга оширадиган ҳар хил тузилмалар. Жинсий жараён ва наел галланиши бўлмайдиган прокариотларда Репродуктив органлар тиним давридаги споралар, гормогониялар ва бошқалардан иборат. Кўпчилик замбуруғлар, сувўтлар ва наел галланиши (спорофит ва гаметофит) орқали ривожланадиган спорали ўсимликларда Репродуктив органлар жинссиз кўпайишда спорангийлар, жинсий кўпайишда гематангийлардан иборат. Уруғли ўсимликларда наел галланиши яширин ўтади ва қизлик спорофит (уруғкуртак) она спорофитда ривожланади; Репродуктив органлардаги микро ва мегаспороцитлар, чангдон ва тухумнинг генератив ҳужайралари ҳисобланади. Кўпинча Репродуктив органлар термини кенг маънода қўлланади; уларга гуллар, мевалар (ёпиқ уруғлилар) ва стробилалар, яъни эркак ва урғочи қуббалар (очиқ уруғлилар) ва бошқа генератив структуралар комплекси қўшилади. Вегетатив кўпайиш органлари ҳам Репродуктив органларга клритилади. Ҳайвонларда Репродуктив органлар жинсий органлар дейилади.