Rifatilla Qosimov
 | Bu maqolani oʻchirish taklif etiladi. Sababi va mos munozaralarni quyidagi sahifadan topishingiz mumkin: ZiyoSfera:Oʻchirishga/Rifatilla Qosimov. Maqolani yaxshilashga urinib koʻrishingiz mumkin, ammo munozara jarayoni yakunlanmagunga qadar mazkur ogohlantirish xabarini aslo olib tashlamang. Manbalar izla: „Rifatilla Qosimov“ – yangiliklar · gazeta · kitoblar · akademik · JSTOR Maqola muallifiga: Maqolangiz oʻchirilish arafasida boʻlsa, nima qilish kerak? Administratorlarga: bu yerga havolalar • tarix (oxirgi oʻzgarish) • Qosimov qaydlar • oʻchirish Sahifani oʻchirishga nomzod oʻlaroq koʻrsatish:
|
Rifatilla Qudratullayevich Qosimov (14-iyul 1958, Toshkent) — oʻzbek sozandasi, pedagog, professor, akademik. “Doʻstlik” ordeni sohibi, Oʻzbekistonda maqom va anʼanaviy ijrochilik maktabining yirik vakillaridan biri. U rubob, ud, tanbur va dutor cholgʻularida ijrochilik maktabini yaratgan ustoz sifatida tanilgan.
Rifatilla Qosimov | |
|---|---|
| Kasbi | Sozanda, pedagog, professor, akademik |
| Cholgʻular | Rubob, Ud, Tanbur, Dutor |
| Faoliyat yillari | 1980–hozirgacha |
| Fuqaroligi | Oʻzbekiston |
| Mukofotlari | Doʻstlik ordeni, Akademik unvoni (Turon fanlar akademiyasi, 2021) |
Hayoti va taʼlimi
Rifatilla Qosimov 1958-yil 14-iyulda Toshkent shahrida tugʻilgan. Yoshligidan rubob va dutor sozlariga mehr qoʻygan. Ilk tahsilini Tolibjon Sodiqov nomidagi musiqa maktabida, Gʻulomjon Qoʻchqorov sinfida boshlagan. Keyinchalik Toshkent musiqa bilim yurtida, soʻngra konservatoriyada Sulaymon Taxalov, Is’hoq Rajabiy, Xamidjon Jalolov kabi ustozlardan saboq olib, maqom va anʼanaviy ijrochilik sirlarini chuqur oʻrgangan.
Pedagogik va ijodiy faoliyati
1980-yildan pedagogik faoliyatni boshlagan. Hozirda Yunus Rajabiy nomidagi Oʻzbek milliy musiqa sanʼati institutining “Maqom cholgʻu ijrochiligi” kafedrasi professori sifatida faoliyat yuritadi. U rubob, ud, tanbur cholgʻulari boʻyicha 6 dan ortiq darslik va qoʻllanmalar muallifi. Shuningdek, oʻzbek teleradiokanallarida koʻplab mualliflik koʻrsatuvlari orqali milliy cholgʻu ijrochiligini targʻib etib kelmoqda.
Shogirdlari
Rifatilla Qosimovning shogirdlari orasida Gulsanam Mamazoitova, Nodira Pirmatova, Abdulxay Karimov kabi sanʼatkorlar bor. Ularning koʻpchiligi xalqaro tanlovlar gʻoliblari va yuksak unvonlar sohiblaridir.
Mukofot va unvonlari
- “Doʻstlik” ordeni
- “Akademik” unvoni (Turon fanlar akademiyasi, 2021)
- Professor (OʻzMMSI)
Manbalar
https://uza.uz/oz/posts/umrboqiy-meros-sohibi-29-01-2020 http://maqomfund.uz/cgi-sys/suspendedpage.cgi?route=product/product&product_id=62[sayt ishlamaydi] https://cyberleninka.ru/article/n/serqirra-yirik-musiqashunos-olim/pdf https://in-academy.uz/index.php/cajei/article/view/72964[sayt ishlamaydi]