Rivyera

Ривера — Ўрта денгизнинг Канн шаҳридан (Франсия) Специя шаҳри (Италия)гача бўлган камбар соҳили. Франсия Ривераси — Мовий қирғоқ ва Италия Риверасига бўлинади. Қиши юмшоқ (ўртача температура 9—12°), ёзи иссиқ (ўртача температура 24°). Йиллик ёғин 500–700 мм. Доим яшил субтропик ўсимликлар ўсади. Токчилик, гулчилик ривожланган. Ривера — Ғарбий Европанинг энг йирик курортларидан бири. Меҳмонхона, пансионат, кемпинг, „дам олиш қишлоқлари“ кўп. Йирик курортлари: Канн, Антиб, Ницса, Ментона, Монако, МонтеКарло, СанРемо, Империя, Рапалло ва бошқалар.