Ziyosfera

Rixard Shreder

Рихард Рихардович Шредер (1867-йил 15-октябр, Москва – 1944-йил 27-апрел, Тошкент) – рус ва совет агроном олими, ўқитувчи, Ўзбекистонда илмий қишлоқ хўжалиги асосчиси, шунингдек, боғдорчилик, узумчилик ва виночилик бўйича биринчи Марказий Осиё минтақаси илмий-тадқиқот институтида (НПО) 42 йил давомида етакчилик қилган, ВАСХНИЛ академик (1935), Ўзбекистон Фанлар академияси академиги (1943), профессор (1918), қишлоқ хўжалиги фанлари доктори (1936), Меҳнат Қаҳрамони (1927).

Рихард Шредер
Таваллуди 15-октябр 1867-йил
Москва
Вафоти 27-апрел 1944-йил(1944-04-27)
(76 ёшда)
Тошкент
Мукофотлари

Биографияси

Рихард Рихардович 1867-йил 15-октябрда Москвада таваллуд топган. Унинг отаси Рихард Иванович Шредер Петровский қишлоқ хўжалиги ва ўрмон хўжалиги академиясида профессор бўлиб ишлаган[1].

Рихард 1887-йилда 4-гимназияни тугатгач, Рихард Рихардович Москва университетининг физика-математика факултетининг табиий фанлар бўлимига ўқишга кирган ва уни 1891-йилда биринчи даражали диплом билан тугатган. У 1894-йилда Петровский қишлоқ хўжалиги академиясини ҳам худди шундай муваффақиятли тугатган ва шундан сўнг қишлоқ хўжалиги бўшқармасига тайинланган.

Рихард Рихардович 1895–1900-йилларда хусусий қишлоқ хўжалиги кафедрасида ассистент бўлиб, профессор Д. И. Прянишников билан Россия қишлоқ хўжалиги энсиклопедияси ва бошқа нашрлар учун бир қатор мақолалар ёзган. Жумладан: „Отношениэ озимих хлебов к фосфорним удобрениям“, „К вопросу о значении остей у злаков“, „К вопросу о синтезе белков с висшими растениями“ ва бошқа мақолалар ёзган. 1900-йил баҳорида Москва университетида магистрлик имтиҳонларини топширган ва агрономия бўйича приват-доцент унвонини олгач, уч йилга Германия ва Швейсарияга юборилган. Рихард Лейпсигда профессор Пфеффер билан ўсимликлар физиологияси бўйича ва Цюрихда Профессор Шулзе билан физиологик ўсимликлар кимёси бўйича ишлаган.

Шредер хориждаги илмий сафардан тўлақонли олим ва тадқиқотчи сифатида қайтгач, агротехник ёрдамга эҳтиёж бўлган жойда ишлаш истагини билдирган. Бундай жой ўшанда илғор агрономия усулларини қўллаш бўйича энг қолоқ, оз ўрганилган Туркистон вилояти эди.

1902-йил охирида Қишлоқ хўжалиги вазирлиги Р. Р. Шредерни 1898-йилда ташкил этилган Туркистон қишлоқ хўжалиги тажриба стансиясига раҳбарлик қилган ва илмий ишлар бошлиғи лавозимига тайинланган. Стансия қадимий Чимкент шоссесига туташ жойда, Тошкентдан ўн олти километр узоқда, Аччи қишлоғида жойлашган эди. Шредер 1902-йилдан умрининг охиригача Туркистон қишлоқ хўжалиги тажриба стансияси (ҳозирги академик Р. Р. Шредер номидаги Боғдорчилик, узумчилик ва виночилик институти) раҳбари бўлган[2].

Стансиянинг ташкил этилишига Россия тўқимачилик саноатининг пахтага бўлган талаби ортиб бораётгани сабаб бўлган. Дастлабки эътибор маҳаллий ва хориждан келтирилган пахта навларини синовдан ўтказишга қаратилган.

Шредер Европанинг асосий тилларида (инглиз, франсуз, немис ва италян) сўзлаша билган ва Туркистонга келиб, энг аввало ўзбек тилини мукаммал ўрганган. Бу эса унга маҳаллий урф-одат, анъаналарни ва маданият сирларини ўрганиш имконини берган. Стансия тажриба муассасаси сифатида фақат Шредер келган пайтдан бошлаб ишлай бошлаган ва илмий ишларнинг асосий қисми шахсан унга тегишли бўлган ёки бевосита унинг раҳбарлигида бажарилган.

Рихард Ўрта Осиёда етиштириладиган маҳаллий буғдой навларидан мингдан ортиқ намуналарни йиғиб, синовдан ўтказган. Улардан энг самаралиларини ажратиб кўрсатган. Шундай қилиб, қишлоқ хўжалигига суғориладиган кузги буғдойнинг 584-сонли янги серҳосил ва узун бошоқли нави етиштирилган.

1904–1918-йилларда Туркистон қишлоқ хўжалиги жамияти президенти этиб сайланган. 1918-йилда Туркистон халқ университетини ташкил этишда фаол қатнашган ва Ўрта Осиё университети қишлоқ хўжалиги факултетининг биринчи декани бўлган ҳамда профессор Шредер раҳбарлигида ғўза, дон, мева, резавормева, сабзавот экинлари, пиллачилик ва бошқа соҳаларда кенг қамровли тадқиқотлар олиб борилган, айниқса, боғдорчиликка катта аҳамият берилган. Кузги буғдойнинг „Қора калтак“ ёки № 584 навини, ғўзанинг ўз даврида машҳур, тезпишар № 1306 ёки „Шредер“ навини яратган. Мевали ўсимликлар коллексиясини ташкил этиб, олма, нок ва бошқаларнинг 200 дан ортиқ навини ўрганган. Унинг ишини кейинчалик ўғли А. Г. Шредер (Аргус, Тошкент боровинкаси, Тошкент калвили, Пискент олмаси ва бошқалар навлари яратган), набираси Й .А. Шредер (Чўлпон, Гўзал, Олтин олма ва бошқалар навлар муаллифи) давом эттирган. Институтда чиқарилган серҳосил узум („Шредер эртагиси“), қулупнай („Шредер хотираси“), олма („Шредер ренети“) навлари унинг номи билан аталган. 2001-йил боғдорчилик, узумчилик ва виночилик илмий текшириш институтининг 100 йиллиги муносабати билан институт марказий биноси олдига Рихард Шрейдернинг бронза бюсти ўрнатилган[3][4]. 1939-йилда Шредернинг Ўрта Осиёдаги илмий-педагогик ва ижтимоий фаолиятининг 35 йиллиги тантанали равишда нишонланган ва тажриба стансиясига унинг номи берилган. Ўша йили Ўзбекистоннинг 15 йиллиги муносабати билан СССР Олий Совети Президиумининг Фахрий ёрлиғи билан тақдирланган[5].

Рихард 2003-йилда Ўзбекистон Президентининг фармони билан Р. Р. Шредер вафотидан кейин "Буюк хизматлар учун" ордени билан тақдирланган[6]. 1944-йил 27-апрелда етмиш етти ёшида вафот этган. У Тошкентдаги Боткин қабристонига дафн этилган.

Манбалар

  1. ↑ Рихард Иванович Шредер заложил обширний дендрологический сад, питомник, проводил опити по акклиматизации ряда древесних и кустарникових пород, стал автором многократно переиздававшегося труда „Русский огород, питомник и плодовий сад“, которий и нине ползуэця болшой популярностю среди спесиалистов и любителей-садоводов.
  2. ↑ Научно-исследователский институт имени Р. Шредера переименовали (Wайбаcк Мачине сайтида 2017-07-19 санасида архивланган): Согласно Постановлению Кабмина Республики Узбекистан № 254 от 24 августа 2013 года бивший НИИ им. Р. Р. Шредера тепер носит имя академика Махмуда Мирзаэва.
  3. ↑ Труди плодоягодного института им. академик Р. Р. Шредера, вш. 18 (18981948), Т, 1950; Помология Узбекистана, Т., 1983.
  4. ↑ Деятелност Туркестанской селскохозяйственной стансии по полеводству, в частности, по хлопководству. Правление землеустройства и земледелия, Т., 1913; Култура хлопчатника в Средней Азии, М., 1925.
  5. ↑ „Старые газеты : "ПРАВДА", 22 января 1939г. (стр. 2)“. www.олдгазетте.орг. Қаралди: 2023-йил 22-ноябр.
  6. ↑ Указ Президента Республики Узбекистан от 25 август 2003 года № УП-3298 «О награждении посмертно деятелей науки, литературы и искусства, внесших огромный вклад в развитие науки и культуры Узбекистана». — ИССН 0206-6637. 



"https://new.ziyosfera.uz/ziyo/Rixard_Shreder" dan olindi