Roʻzimurod Choriyev

Рўзимурод Қўнғиротович Чориев (1963-йил 5-феврал, Сурхондарё вилояти, Ўзбекистон ССР) — ўзбекистонлик олим, педагогика фанлари доктори (2020), профессор.

Рўзимурод Қўнғиротович Чориев
Таваллуди	1963-йил 5-феврал (1963-02-05) Сурхондарё вилояти, Ўзбекистон ССР
Фуқаролиги	Ўзбекистон
Касби	муҳандис-педагог
Соҳаси	педагогика
Таълими	Тошкент ирригация ва қишлоқ хўжалигини механизациялаш муҳандислари институти
Илмий даражаси	педагогика фанлари доктори
Илмий унвони	профессор
Мукофотлари

Биографияси

Рўзимурод Чориев 1963-йил 5-феврал Сурхондарё вилояти Шеробод туманида туғилган. 1980—1985-йилларда Музрабод туманидаги қишлоқ хўжалигини механизациялаштириш техникумида ўқиган. 1985—1990-йилларда Тошкент ирригация ва қишлоқ хўжалигини механизациялаш муҳандислари институтида таҳсил олган. Мутахассислиги муҳандис-педагог. 1990—1992-йилларда институтнинг ёшлар ташкилоти котиби, касаба уюшмаси қўмитаси раиси ўринбосари, 1992—1995-йилларда „Ёшлик“ талабалар шаҳарчаси ҳокими, 1995—1998-йиллар Тошкент ирригация ва қишлоқ хўжалигини механизациялаш муҳандислари институтнинг тарбиявий ишлар бўйича проректори, 1998—2004-йилларда Ўзбекистон Республикаси Олий ва ўрта махсус та’лими вазирлиги ўрта махсус, касб-ҳунар та’лими маркази бошқармаси бошлиғи, Тошкент шаҳар ўрта махсус, касб-ҳунар та’лими бошқармаси бошлиғи ўринбосари, Ўзбекистон Республикаси Халқ та’лими вазирлиги ахборот таҳлил ва ташкилий ишлар бош бошқармаси бошлиғи, 2004—2005-йилларда „Узлуксиз та’лим“ илмий методик журнали бош муҳаррири ўринбосари, 2005—2011-йилларда „Ёшлик“ талабалар шаҳарчаси ҳокими, 2011—2013-йилларда Ўзбекистон Миллий университети доценти, 2013—2017-йилларда Тошкент вилояти халқ та’лими ходимларини қайта тайёрлаш ва уларнинг малакасини ошириш институти ректори, 2017—2019-йилларда Сурхондарё вилоятининг ёшлар сиёсати, ижтимоий ривожлантириш ва ма’навий-ма’рифий ишлари бўйича ўринбосари лавозимида фаолият юритган. 2019-йилдан „Тошкент ирригация ва қишлоқ хўжалигини механизациялаш муҳандислари институти“ Миллий тадқиқот университети ёшлар масалалари ва ма’навий-ма’рифий ишлар бўйича проректори.

Оиласи

Рафиқаси Жамилахон Чориев. 3 нафар фарзанди бор.

Илмий фаолияти

Рўзимурод Чориев 1998-йилда „Инженер-педагогларнинг касбий-методик малакаларини шакллантириш“ мавзусида номзодлик, 2020-йил „Касб та’лими мутахассисларини дуал тизими асосида касбий фаолиятга тайёрлаш методикасини такомиллаштириш (Техника олий та’лим муассасаларида „Касб та’лими“ йўналиши мисолида) мавзусида докторлик диссертациясини ҳимоя қилган. 5 та монография, 10 га яқин услубий ишланма ва рисолалар, 100 дан ортиқ илмий мақолалар муаллифи.

Мукофотлари

• „Шуҳрат“ медали соҳиби;
• „Ўзбекистон Республикаси мустақиллигининг 10 йил“ эсдалик нишони (2001);
• „Ўзбекистон Республикаси мустақиллигининг 15 йил“ эсдалик нишони (2006);
• „Ўзбекистон Республикаси мустақиллигининг 20 йил“ эсдалик нишони (2011);
• „Ўзбекистон Республикаси мустақиллигининг 30 йил“ эсдалик нишони (2021);
• „Ўзбекистон Конституциясига 25 йил“ эсдалик нишони (2017);
• „Ўзбекистон Конституциясига 30 йил“ эсдалик нишони (2022).