Robert F. Engle

Роберт Фрй Энгле (2017)

Энгл Роберт (1942; Сиракузи, Ню Ёрк штати) — америкалик иқтисодчи. Корнелл университетида физика бўйича магистр (1966). 1969-йил иқтисодиёт назарияси (эконометрика) бўйича докторлик илмий даражасини олди. 1969-йилдан Массачусец технология институтида, 1975-йилдан Сан-Диегодаги Калифорния университетида иқтисодиёт профессор 1999-йилдан Ню-Ёрк университетида молиявий хизматлар менежменти профессор Илмий ишлари турли иқтисодий кўрсаткичларнинг узоқ муддатли ўзгаришлари қонуниятларини ўрганишга бағишланган. У прогнозлашда муайян ўзгаришларни анча ишончлироқ аниқлаш йўли (модели)ни яратди, бу эса ялпи ички маҳсулот, истеъмол нархлари, фоиз ставкалари, биржа курслари ва бошқа иқтисодий кўрсаткичларни бир неча кун ёки ҳафта, ҳатто бир йил олдин башорат қилиш имконини беради. Энгле моделини қўллаш натижасида АҚШ ва Буюк Британиянинг тарихий-иқтисодий статистикасини таҳлил қилишда катта аниқликдаги прогнозлар ўз исботини топди. Иқтисодий кўрсаткичларнинг кутиладиган тебранишларини аниқлаш усули катта назарий ва амалий аҳамиятга эга. Эконометрика бўйича 100 дан ортиқ илмий асарлар муаллифи. Нобел мукофоти лауреати (2003; К.Гренжер билан бирга).