Rojers Duglas
Алфред Харолд Дуглас „Дуг“ Рожерс (инглизча: Алфред Ҳаролд Доуглас «Доуг» Рогерс, 1941-йил 26-январ, Труро (Янги Шотландия), Канада - 20-июл, 2020-йил[1]) — канадалик дзюдочи, Олимпия ўйинлари кумуш совриндори, жаҳон чемпионати бронза совриндори, Панамерика ўйинлари чемпиони, бешкарра Канада чемпиони, АҚСҲ чемпиони бронза совриндори саналади[2].
| Алфред Харолд Дуглас "Дуг" Рожерс | |
|---|---|
.jpg) | |
| Шахсий маълумотлари | |
| Жинси | Эркак |
| Фуқаролиги |
 Канада |
| Таваллуд санаси |
1941-йил 26-январ Труро Янги Шотландия, Канада |
| Вафот санаси |
20-июл 2020-йил (79 ёшда) Ванcоувер Британия Колумбияси, Канада |
| Спорт | |
| Қайси спорт | Дзюдо |
| Спорт мукофотлари | ||
|---|---|---|
| Олимпия ўйинлари | ||
| Кумуш | Токио 1964 | 80кг ортиқ |
| Жаҳон чемпионати | ||
| Бронза | Рио-де-Жанейро 1965 | 80кг ортиқ |
| Панамерика чемпионати | ||
| Олтин | Гватемала 1965 | очиқ тоифа |
| Панамерика ўйинлари | ||
| Олтин | 1967 | 93кг ортиқ |
| Кумуш | 1967 | очиқ тоифа |
Таржимаи ҳол
1941-йилда таваллуд топади. Ўсмирлик чоғида у ҳимоячи сифатида шайбали хоккей ўйнаган. У катта синф ўқувчиси сифатида дзюдога ғойибона қизиқа бошлаган, 15 ёшида у Монреал дзюдо клубига келган. 1958-йилда Шарқий Канада чемпиони бўлади. Мактабни тугатгандан сўнг, 1960-йилда у Канаданинг энг нуфузли университети бўлган Макгилл университетига қабул қилинганига қарамай, Кодокан институтига ўқишга киради. Японияда у инглиз тили ўқитувчиси сифатида фаолият олиб боради[3]. 1964-йилда у биринчи Канада чемпионлигини қўлга киритади.
Рожерс 1964-йилда Токиодаги ёзги Олимпия ўйинларида иштирок этади, 80 килограммдан ортиқ вазн тоифасида шоҳсупага кўтарилади. Унинг тоифасида 15 нафар спортчи беллашади. Мусобақалар доиравий тизим бўйича гуруҳларда, сўнгра олимпия тизими бўйича ўтказилади. Полвонларнинг ҳар бири уч кишидан иборат беш гуруҳга бўлинган. Гуруҳ ғолиби мағлубиятдан кейин нокаут билан ўтказилган навбатдаги турнирга йўл олади.
Рожерс финалга чиқишга муваффақ бўлади ва у ўз жамоадоши ва спарринг-рақиби Исао Инокумага минимал ҳисобда имкониятни бой беради.
Финалдан сўнг Рожерс Масахико Кимура қўл остида жиддий шуғуллана бошлади. 1965-йилда у биринчи осиёлик бўлмаган дзюдочи бўлиб, дзюдо бўйича Бутун Япония терма жамоаси чемпионатида иштирок этади, Япония терма жамоаси чемпиони бўлди ва турнирнинг энг яхши дзюдочиси деб топилди. Ўша йили у Панамерика чемпионатида ғолиб чиқди, Жаҳон чемпионатининг бронза медали совриндорига айланади. 1965-йилда Рожерс Канадага қайтиб, самолёт учувчиси мутахассиси сифатида таҳсил ола бошлайди.
1967-йилда Дуглас Панамерика ўйинларининг оғир вазн тоифасида чемпионига айланади ва очиқ вазн тоифасида иккинчи бўлиб қолади. 1967-йилдан кейин у узоқ йиллар мобайнида йирик мусобақаларда чиқиш қилмади. 1972-йилда у спортга қайтди. Канада чемпионлигига сазовор бўлгач, у 1972-йилда Мюнхендаги Олимпия ўйинларида шоҳсупага кўтарилади ва оғир вазн тоифасида ҳам, очиқ вазн тоифаларида бешинчи ўринни эгаллади. 1975-йилдан —1977-йилгача Рожерс Британия Колумбияси университетида мураббий сифатида фаолият юритади, бироқ тез орада мураббийликни ташлаб, кейинги бутун ҳаётини самолёт учувчилигига бағишлаган.
Манбалар
- ↑ „Доуг Рогерс, 1941—2020“. 23-июл 2020-йилда асл нусхадан архивланган. Қаралди: 23-июл 2020-йил.
- ↑ „Доуг Рогерс Био, Стац, анд Ресулц | Олймпиcс ат Спорц-Референcе.cом“. 25-сентабр 2015-йилда асл нусхадан архивланган. Қаралди: 30-май 2016-йил.
- ↑ Тҳе Монтреал Газетте — Гоогле Неwс Арчиве Сеарч
Ҳаволалар
- Дуглас Роджерс — Спорц-Референcе.cом сайтида Олимпия ўйинлари статистикаси
- Дуглас Роджерс — жудоинсиде.cом сайтида профили
- Дуглас Рожерснинг қизининг отаси ҳақида докторлик диссертацияси