Rotterdam

Роттердам (нидерландча: Роттердам — Ротт дарёсига қурилган кўприк) — Нидерландиянинг ғарбий қисмидаги шаҳар, Рейн дарёси делтасининг шим.да. Канал оркали Шимолий денгиз билан боғланган. Аҳолиси 595 минг киши, шаҳар атрофи билан 1,07 млн. киши (2000). Ғарбий Европанинг энг йирик порти. Транспорт йўлларининг йирик тугуни. Аэропорти халқаро аҳамиятга эга. Мамлакатнинг муҳим савдо-саноат маркази. Саноати четдан келтириладиган хом ашёга асосан ишлайди. ГФРва Белгиянинг йирик корхоналарига роттердам дан нефт қувурлари ўтган. Йирик нефтни қайта ишлаш ва нефт кимёси корхоналари ишлаб турибди. Турли машинасозлик (кемасозлик ва автомобилсозлик, электротехника ва бошқалар), кимё, енгил, озиқовқат саноати корхоналари мавжуд. Метрополитен курилган. Университет, Санъат академияси, кемасозлик ва навигация институти, тарих, денгиз ва этнология музейлари бор. Шаҳар ХИИИ асрдан маълум. Меъморий ёдгорликлардан готика черкови (ХВ аср) ва бошқа черковлар, тегирмонлар (ХВИИ—ХВИИИ асрлар) сақланган. Роттердамда миллий ва халқаро савдо операциялари бажарилади.