Rumil Vildanov

Румил Жиангирович Вилданов (1939.24.11, Бишкек -1987.18.2, Москва, Тошкентда дафн этилган) — композитор, Ўзбекистонда хизмат кўрсатган санъат арбоби (1977). Тошкент консерваториясини (1962, композиция бўйича) битирган. 1962—68 йиллари ва 1982-йилдан Тошкент консерваториясида ўқитувчи. 4 симфония (1962, 1967, 1968, 1971), 2 фортепиано (1965, 1968) ва скрипка (1968) консертлари, оратория, кантата, симфоник поэма, торли квартет ва бошқа камер асарлар, хор, романс ва қўшиқлар муаллифи. 1970-йиллардан асосан киномусиқа билан шуғулланган. 100 дан ортиқ бадиий, ҳужжатли, мултипликацион ва телефилмларга мусиқа ёзган. Муқимий театрида "Ўн иккинчи кеча", (Шекспир асари асосида, 1971), "Андро ва Сандро" (Т. Хугаев асари асосида, 1975) мусиқали комедиялари, Навоий театрида "Нотаниш аёл", "Заҳарланган ҳаёт", "Элегия" бир актли балетлари саҳналаштирилган (1980). Ҳамза номидаги Ўзбекистон Давлат мукофоти лауреати (1983).