Ruslan Axmedxanov

Руслан Ринатович Аҳмедханов (1974-йил 16-сентябрда туғилган) — совет ва ўзбек футболчиси, Ўзбекистон миллий терма жамоасида дарвозабон позициясида ўйнаган.

Руслан Ахмедханов

Шахсий маълумот
Тўлиқ исми	Руслан Ринатович Аҳмедханов
Таваллуд санаси	1974-йил 16-сентябр (1974-09-16)
Таваллуд жойи	Ўзбекистон ССР
Амплуаси	Дарвозабон
Профессионал фаолияти*
Йиллар	Жамоа	Ишт.	(Гол.)
1991	Умид (Тошкент)	7	(0)
1992	Пахтакор-79	11	(0)
1992—1993	Пахтакор	3	(0)
1993—1995	Политотдел	55	(0)
1997	МҲСК	6	(0)
1998	Навбаҳор	6	(0)
1999—2000	Пахтакор	40	(0)
2001	Металлург (Бекобод)	20	(0)
2002—2003	Дўстлик	40	(0)
2004	Сўғдиёна	5	(0)
2004—2005	Тўпаланг	7	(0)
2006	Локомотив (Тошкент)	11	(0)
Миллий терма жамоа
1992	Ўзбекистон	2	(0)
Бошқарган клублари
2016—2019	Локомотив (Тошкент)
2019	Сурхон
2021—2022	Нефтчи
2022	Истиқлол (Душанбе)
2022	Сўғдиёна
*Профессионал клублардаги голлари (ички чемпионат)

Биография

1960-йилларда Ўзбекистон ССР номидан СССР иккинчи лигаси клубларида ўйнаган дарвозабон Ренат Аҳмедхановнинг ўғли.

Катталар даражасидаги фаолиятини СССР чемпионатининг сўнгги мавсумида иккинчи қуйи лига жамоаси — Тошкентнинг „Умид“ клубида бошлаган. 1992-йилдан бошлаб Ўзбекистон олий лигаси клубларида тўп сурган. 1992-йилги мавсум давомида Тошкентнинг „Пахтакор-79“ ва „Пахтакор“ жамоаларида ўйнаган, сўнгги жамоа билан чемпионлик унвонини қўлга киритган, бироқ мавсумда бор-йўғи 2 та ўйинда майдонга тушган. Кейинги мавсумда „Политотдел“га ўтган. 1997-йилда чемпионликка эришган Тошкентнинг МҲСК клуби сафида 6 та ўйин ўтказган бўлса, кейинги йили чемпионатнинг бронза медали соҳиби бўлган Наманганнинг „Навбаҳор“ жамоаси сафида ҳам 6 та ўйинда иштирок этган. 1999-йилда „Пахтакор“га қайтиб, у ерда икки йил фаолият олиб борган. Кейинчалик турнир жадвалининг ўрта ва қуйи поғоналарида жойлашган „Металлург“ (Бекобод), „Дўстлик“, „Сўғдиёна“, „Тўпаланг“, „Локомотив“ (Тошкент) каби клубларда ўйнаган. 2004-йилда „Тўпаланг“ билан биринчи лиганинг кумуш медали соҳиби бўлган.

Ўзбекистон олий лигасида жами 204 та ўйинда майдонга тушган.

1992-йил 23-августда Ўзбекистон терма жамоаси сафида Марказий Осиё кубоги доирасида Қирғизистонга қарши кечган ўйинда дебют қилиб, 75-дақиқада Бердақ Алланиязов ўрнига майдонга тушган. 1992-йилда миллий терма жамоа сафида жами иккита ўйин ўтказган. Иккала учрашувда ҳам иккинчи бўлимда майдонга тушиб, гол ўтказиб юбормаган.

Ўзбекистоннинг „Локомотив“ (Тошкент), „Сурхон“ (Термиз), „Нефтчи“ (Фарғона), „Сўғдиёна“ (Жиззах) клубларида дарвозабонлар мураббийи сифатида фаолият юритган. Шунингдек, 2022-йилнинг август ойидан декабр ойига қадар Тожикистоннинг „Истиқлол“ жамоасида дарвозабонлар мураббийи бўлиб ишлаган.

Ҳаволалар

• Руслан Ахмедханов Фоотбаллфакц сайтида
• Руслан Ахмедханов Трансфермаркт сайтида