Sabrina Vega
| Сабрина Вега | |
|---|---|
 Сабрина Вега Гутиéррез 2015-йилда | |
| Мамлакат |
 Испания |
| Туғилиши |
28-феврал 1987-йил Лас Палмас, Испания |
| Саравҳа |
Халқаро магистр Аёл гроссмейстер |
Сабрина Вега Гутиэррез (1987-йил 28-февралда Лас-Палмасда туғилган) — испан шахматчиси, ФИДЕ халқаро уста (ИМ) ва аёл гроссмейстер (WГМ) унвонларига эга.
Шахматдаги фаолияти
1996-йилдан 2007-йилгача Сабрина Вега турли ёш тоифаларида шахмат бўйича ёшлар ўртасидаги Европа чемпионати ва шахмат бўйича ёшлар ўртасидаги жаҳон чемпионатида фаол иштирок этган. У Мондариз (2005—2006-йиллар), Лорсе (2007) ва Ла Массана (2007)да аёллар гроссмейстери нормасини бажарди[1]. Вега кетма-кет икки марта 2013 ва 2014-йилларда Белград шахмат турнирларида муваффақиятли иштирок этиб, олтин медалини қўлга киритди[2][3].
Вега Испания терма жамоаси сафида умумий еттита шахмат Олимпиадасида иштирок этган, жумладан, 2004, 2008—2016-йиллар оралиғида Испания шаънини ҳимоя қилган[4]. Шунингдек, Сабрина Вега Испания терма жамоаси сафида жами олтита Европа жамоавий шахмат чемпионатида иштирок этган (2005—2015-йиллар давомида)[5].
У 2008, 2012 ва 2015-йилларда аёллар ўртасида Испания чемпионатида ғолиб бўлган[6]. 2016-йилда эса Мамаиа шаҳрида шахмат бўйича аёллар ўртасидаги Европа индивидуал чемпионатида Вега кумуш медалга лойиқ кўрилди.
2020-йилда бўлиб ўтган Испания чемпионатида Сабрина ғолибликни қўлга киритди ва бу унинг испан чемпионатлари орасидаги еттинчи иштироки бўлди[7].
Шахсий ҳаёти
Катта синглиси Белинда Вега Гутиэррез Сабринадан муваффақиятга эриша бошлаганидан бир неча йил ўтгач шахмат ўйнашни бошлаган. Белинда Вега ҳам Сабрина сингари ФИДЕ халқаро аёл устаси унвонига эришган[8]. Опа-сингил Вегалар Испания терма жамоасида биргаликда дона суришади.
Манбалар
- ↑ Администратор. „ФИДЕ Титле Апплиcатионс (ГМ, ИМ, WГМ, WИМ, ИА, ФА, ИО)“. 2017-йил 13-мартда асл нусхадан архивланган. Қаралди: 2022-йил 13-август.
- ↑ Миҳаилов. „WГМ Сабрина Вега Гутиэррез wинс тҳе тоурнамент ин Белграде“.
- ↑ „WГМ Сабрина Вега Гутиэррез wинс анотҳер тропҳй ин Белграде - Чессдом“.
- ↑ Бартелски. „ОлимпБасе :: Wомен'с Чесс Олймпиадс :: Сабрина Вега Гутиéррез“.
- ↑ Бартелски. „ОлимпБасе :: Эуропеан Wомен'с Теам Чесс Чампионшип :: Сабрина Вега Гутиéррез“.
- ↑ „Сабрина Гутиéррез Вега эс ла Cампеона де Эспаñа 2008“ (13-август 2008-йил).
- ↑ „Давид Антон анд Сабрина Вега wин Спаниш Чампионшипс“ (2020-йил 9-сентябр). Қаралди: 2022-йил 13-август.
- ↑ Флорес. „"Чесс теачес ёу со муч!": Ан интервиэw wитҳ ИМ Сабрина Вега“ (инглизча). Чесс Неwс (26-июл 2021-йил). Қаралди: 1-март 2022-йил.