Sabriye Bekirova
Сабрие Искандеровна Бекирова (1965-йил 7-май; Андижон, Ўзбекистон) – россиялик дирижёр, Шимолий Осетия-Алания Республикасида хизмат кўрсатган артист (2010).
Сабрие Бекирова Сабрие Искандеровна Бекирова | |
|---|---|
 | |
| Таваллуди |
1965-йил 7-май |
| Касби | дирижёр |
| Фаолият йиллари | 1996-ҳозирга қадар |
| Фуқаролиги |
 СССР Россия |
Ҳаёти ва ижоди
Сабрия 1965-йил 7-май Андижонда, депортация қилинган қрим татарлари Искандер ва Хатижа Бекировлар оиласида туғилган. Икки ёшида ота-онаси ва опа-сингиллари билан Новороссийскга кўчиб ўтади. Новороссийск мусиқа коллежида ўқитувчи Михаил Токарев билан бирга ўқийди[1].
1990-йилда Санкт-Петербург консерваториясини профессор Э. А. Комаровадан скрипка, профессорлар И. А. Мусин ва Ю. Х. Темиркановлардан опера ва симфония дирижёрлиги бўйича таҳсил олган. 1996—1998-йилларда Карелия давлат филармониясининг меҳмон дирижёри. 2000—2002-йилларда Санкт-Петербург операсида дирижёрлик қилган. 2004—2007-йилларда Санкт-Петербург симфоник халқ ва классик мусиқа оркестри дирижёри. 2005-йилдан Санкт-Петербург давлат маданият ва санъат университетида дирижёрлик фанидан дарс беради. 2008-йилдан 2011-йилгача —Шимолий Осетия-Алания Республикаси, Владикавказ шаҳри, Миллий давлат опера ва балет театрининг бош дирижёри[2]. 2014-йилдан Бошқирдистон Республикаси Миллий симфоник оркестрининг меҳмон дирижёри. Ушбу театр ҳақида қуйидаги фикрларни билдириб ўтган:
Оркестрда – ажойиб, сезгир, профессионал мусиқачилар ишлайди. Сизнинг оркестрингиз катта имкониятларга эга. Бошқирдистон Республикаси учун бу шунчаки хазина, ташриф қоғози. Ўйлайманки, республикадаги бундай жамоалар раҳбарият томонидан кучли қўллаб-қувватланиши, „ҳаммадан устун бўлиши“, жумладан, молиялаштириш борасида ҳам олдинда бўлиши лозим.[3]
2015-йилдан бери у Тулуза Тасвирий санъат институтида оркестр дирижёрлиги бўйича профессор бўлиб ишлайди, Тулуза Капитолий миллий симфоник оркестри ва Белистокдаги Подласки опера ва филармоник симфоник оркестри билан ҳамкорлик қилади. Шунингдек, 2016-йилда собиқ турмуш ўртоғи Туган Сўхиев томонидан ташкил этилган Халқаро оркестр дирижёрлик академиясининг профессори[4].
Манбалар
- ↑ Гульнара Усеинова. „Музыка — чарующий звездопад, каскадами звуков обрушивающийся в сознание, завораживающий и пленительный“. ана-юрт.cом. Голос Крыма (2009-йил 9-ноябр). 2020-йил 28-июнда асл нусхадан архивланган. Қаралди: 2020-йил 25-июн.
- ↑ „Осрадио.ру сайти“. Осрадио.ру. 2016-йил 6-мартда асл нусхадан архивланган. Қаралди: 6-июн 2023-йил.
- ↑ Аралбаева, Лейла „Дирижер Сабрие Бекирова считает Национальный симфонический оркестр Башкортостана достоянием республики“. cлассиcалмусиcнеwс.ру. Қаралди: 24-июн 2023-йил.
- ↑ „Тоулоусе : Туган Сокҳиэв диригера л'Аcадéмиэ интернатионале де диреcтион д'орчестре“. Қаралди: 24-июн 2023-йил.