Said Shermuhamedov
Саид Шермуҳамедов (1930.12.5, Қоракўл тумани — 16.02.2016) — файласуф олим. Ўзбекистон Фанлар академияси академик (2000), Ўзбекистонда хизмат кўрсатган фан арбоби (1980), фалсафа фанлари доктори (1973), профессор (1978). Самарқанд университетни тугатган (1953). Ўзбекистон Фанлар академияси Фалсафа ва ҲУҚУҚ бўлимида кичик илмий ходим (1957—58), Фалсафа ва ҳуқуқ институтида катта илмий ходим (1958—60), илмий котиб (1960—61), директор ўринбосари, сектор мудири (1961—64). Ўзбекистон КП МК фан ва маданият бўлими мудири ўринбосари (1964—65), маданият бўлими мудири (1965—70). Ўзбекистон Маориф вазири (1970—84), Ўзбекистон Педагогика илмий текшириш институти директори (1984—85), Тошкент Давлат Университети фалсафа факултетида кафедра мудири (1985— 2002), профессор (2002-йилдан). Илмий ишлари маданият назарияси ва бошқалар муаммоларга бағишланган. Ўзбекистон Фалсафа жамияти президенти (1990-йилдан). Беруний номидаги Ўзбекистон Республикаси Давлат мукофоти лауреати (1992). "Шуҳрат" медали билан мукофотланган (1995).
Манбалар
- На язике единства, Т., 1991; Мустақиллик — буюк неъмат, Т., 1997; Философия человека, Т., 2001; Истиклол қуёши, Т., 2002.
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
| Олим ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |