Said at-Taavdiy bin Suda zaviyasi
Said at-Taavdiy bin Suda zaviyasi (yoki Said Tavdiy ibn Suda zaviyasi) – Marokashning Fos el-Bali shahrida, Fos qadimiy madinasida joylashgan diniy majmua (zaviya) va masjiddir. Masjid 18-asrda yashab oʻtgan soʻfiy shayx Muḥammad at-Tāavdīy ibn al-Ṭolib ibn Sūda al-Murrīy (1795-yilda vafot etgan) nomi bilan atalgan. U Marokash tarixidagi eng nufuzli ziyolilar va islom olimlaridan biri sifatida tanilgan[1]:420[2].
Said at-Taavdiy bin Suda zaviyasi Fosning Souk Bbin Safiy mahallasida Zqaq Bghal koʻchasida joylashgan[3]. Bu zaviya asosan masjiddan iborat boʻlib, uning tarkibida namoz oʻqish zali, ichki hovli (sahn), tahoratxona va minora mavjud. Said at-Taavdiy bin Suda maqbarasi qibla devorida (janubi-sharqiy devor) joylashgan boʻlib, yogʻoch senotaf bilan belgilangan[3]. Masjidning mehrobi oʻymakorlik bezaklari tushurilgan va boʻyalgan gʻishtlar bilan bezatilgan, uning yonida zellij plitalarda ikki arabcha yozuv mavjud[3]. Minoraning asosiy ustuni balandligi 20,3 metrni tashkil qiladi, ikkinchi ustun yoki lanternaning balandligi esa 4,3 metrni tashkil etadi[3].
Manbalar
- ↑ Fès et sainteté, de la fondation à l'avènement du Protectorat (808-1912): Hagiographie, tradition spirituelle et héritage prophétique dans la ville de Mawlāy Idrīs. Rabat: Centre Jacques-Berque, 2014. ISBN 9791092046175.
- ↑ Skali, Faouzi. Saints et sanctuaires de Fés. Marsam, 2007 — 149-bet. ISBN 9789954210864.
- ↑ 3,0 3,1 3,2 3,3 Maslow, Boris. Les mosquées de Fès et du nord du Maroc. Paris: Éditions d'art et d'histoire, 1937 — 143–146-bet.