Said ibn Usmon

Саид ибн Усмон
Вафоти	тах. 680
Турмуш ўртоғи	Рамла бинти Абу Суфён,; исми нома'лум;
Болалари	Муҳаммад; Ойша; Умму Саид; Абан;
Отаси	Усмон
Онаси	Фотима бинти ал-Волид

Саид ибн Усмон ибн Аффон ал-Умавий (арабча: سَعِيد بْنُ عُثْمَانُ بْنُ عَفَّان الأُمَوِيّ‎‎) (тахминан 680-йилда вафот этган) – Умавийлар халифалиги саркардаси, халифа Муовия И ҳукмронлиги даврида 676–677-йилларда Хуросонда ҳарбий ҳоким бўлиб хизмат қилган. Халифа Усмоннинг (ҳ. 644–656) ўғли.

Хуросонда бўлган қисқа муддат давомида Саид ибн Усмон Мовароуннаҳрга юриш бошлаб, бир-икки сўғд қўшинини тор-мор этган. Маълумотларга кўра, Саид Бухорони эгаллаб, Самарқандни ҳам қамал қилган. Кейинчалик, халифа Муовия томонидан лавозимидан бўшатилган, чунки унинг машҳурлиги ва жанг майдонидаги муваффақиятлари, шунингдек, илгари халифалик тахтини эгаллашга бўлган интилишлари Муовияни хавотирга солган бўлиши мумкин. Саид ибн Усмон Мадинада сўғд қуллари томонидан ўлдирилган.

Оиласи

Саиднинг камида икки нафар хотини бўлган, улардан бири Рамла Муовиянинг отаси, Қурайшнинг етакчи вакили Абу Суфён ибн Ҳарбнинг қизи эди. Иккинчи хотиннинг исми манбаларда қайд этилмаган^[1]. Рамла ва Саиднинг Муҳаммад исмли ўғли бўлиб, у ҳақида ҳам манбаларда ҳеч қандай маълумот мавжуд эмас, қизи Ойша эса Муовия И нинг ўғли Абдуллоҳга турмушга чиққан^[1]. Саиднинг иккинчи хотинидан Умму Саид исмли қизи бўлиб, у дастлаб халифа Ҳишом ибн Абдулмалик (ҳ. 724–743), сўнгра ал-Аббос ибн ал-Волид (халифа ал-Волид И нинг (ҳ. 705–715) ўғли, ундан кейин Абдулазиз ибн Умарга (халифа Умар ИИ нинг (ҳ. 717–720) ўғли) турмушга чиққан^[1]. Манбаларда қайд этилишича, Саиднинг Абан исмли яна бир ўғли бўлган ва у ИХ аср бошларида Аббосийларга қарши қўзғолон кўтарган Умавийлар исёнчиси Абу ал-Умайтирнинг юқори мартабали тарафдорларидан бири бўлган. Аббосийлар 750-йилда Умавийларни ҳокимиятдан ағдариб ташлаган^[2].

Адабиётлар

Аҳмед, Асад Қ.. Тҳе Религиоус Элите оф тҳе Эарлй Исламиc Ḥижāз: Фиве Просопограпҳиcал Cасе Студиэс. Охфорд: Университй оф Охфорд Линаcре Cоллеге Унит фор Просопограпҳиcал Ресеарч, 2010. ИСБН 978-1-900934-13-8.
Гибб, Ҳ. А. Р.. Тҳе Араб Cонқуэсц ин Cентрал Асиа. Лондон: Тҳе Роял Асиатиc Соcиэтй, 1923. ОCЛC 499987512.
Маделунг, Wилферд. Тҳе Суccессион то Муҳаммад: А Студй оф тҳе Эарлй Cалипҳате. Cамбридге: Cамбридге Университй Пресс, 1997. ИСБН 0-521-56181-7.
Маделунг, Wилферд (2000). "Абūʿл-ʿАмайṭар тҳе Суфяни". Жерусалем Студиэс ин Арабиc анд Ислам 24: 327–342. ҳттпс://боокс.гоогле.cом/боокс?ид=АИ5тААААМААЖ.
Шабан, М. А.. [[[:Андоза:Гбоок]] Тҳе 'Аббāсид Револутион]. Cамбридге: Cамбридге Университй Пресс, 1979. ИСБН 0-521-29534-3.

[FOOTNOTEAhmed2010-1] 1,0 ^1,1 ^1,2 Аҳмед 2010.

[FOOTNOTEMadelung2000-2] Маделунг 2000.

[1]

[2]