Saida (Suriya)
Saida, shuningdek, Sayda (arabcha: صَيْدَا), Suriya janubida joylashgan qishloq. Maʼmuriy jihatdan Daraa muhofazasi tarkibiga kiradi. Daraadan sharqda joylashgan. Gʻarbda an-Naima, shimolda al-Gʻariya al-Gʻarbiya, sharqda Kahil va al-Musayfira, janubda esa at-Tayba va Umm al-Mayazen bilan chegaradosh. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda Saida aholisi 11 215 kishini tashkil qilgan[1].
Saida صَيْدَا | |
|---|---|
| Qishloq | |
| Mamlakat | Suriya |
| Muhofaza | Daraa |
| Okrug | Daraa okrugi |
| Nohiya | Daraa |
| Aholisi (2004) |
11 215[1] |
| Vaqt mintaqasi | UTCEET +2; +3 |
Tarixi
1596-yilgi Usmoniylar soliq roʻyxatlarida, Sayda qishlogʻi Havron qadasining (tumani) Butayna nohiyasi (mahalliy maʼmuriy hudud) tarkibida ekani qayd etilgan. Aholisi 41 xonadon va 13 boʻydoqdan iborat musulmonlar boʻlgan. Aholi qishloq xoʻjaligi mahsulotlari, jumladan, bugʻdoy, arpa, yozgi ekinlar, echkilar va asalari uyalaridan 40 % miqdorida qatʼiy belgilangan soliq toʻlagan. Bunga qoʻshimcha ravishda vaqti-vaqti bilan boshqa daromadlardan ham soliq toʻlangan. Jami soliq miqdori 8188 akçeni tashkil etgan. Soliqlarning 1/6 qismi vaqfga ketgan[2]. 1838-yilda Eli Smith bu joyning Haj yoʻlidan gʻarbda joylashgani va vayronaga aylanib qolganini qayd etgan[3].
1858-yilga kelib, Usmoniylar hukmronligi davrida Saida xirba (vayron boʻlgan qishloq) ekani tilga olingan[4]. Biroq oʻsha asrning ikkinchi yarmida Saida joylashgan Havron mintaqasida gʻalla yetishtirish qayta rivojlanib, xavfsizlik tiklandi. Shu davrdan boshlab ushbu qishloqqa aholi joylasha boshladi va 1895-yilda qishloq aholisi 250 nafarga yetdi[4].
Manbalar
- ↑ 1,0 1,1 General Census of Population and Housing 2004. Syria Central Bureau of Statistics (CBS). Daraa Governorate. (arabcha)
- ↑ Hütteroth and Abdulfattah, 1977, p. 214
- ↑ Robinson and Smith, 1841, vol 3, 2nd appendix, p. 161
- ↑ 4,0 4,1 Lewis, Norman „The Syrian Steppe during the Last Century of Ottoman Rule: Hawran and the Palmyrena“, . The Transformation of Nomadic Society in the Arab East. Cambridge: Cambridge University Press, 2000 — 40–41-bet. ISBN 978-0521770576.
Adabiyotlar
- Hütteroth, W.-D.; Abdulfattah, K.. Historical Geography of Palestine, Transjordan and Southern Syria in the Late 16th Century. Erlanger Geographische Arbeiten, Sonderband 5. Erlangen, Germany: Vorstand der Fränkischen Geographischen Gesellschaft, 1977. ISBN 3-920405-41-2.
- Robinson, E.; Smith, E.. Biblical Researches in Palestine, Mount Sinai and Arabia Petraea: A Journal of Travels in the year 1838. Boston: Crocker & Brewster, 1841.