Sailing
„Саилинг“ (таржимаси „Сузяпман“) — „Сутҳерланд Бротҳерс“ гуруҳи ижро этган қўшиқ. 1972-йил ёзиб олинган. 1975-йил инглиз қўшиқчиси Род Стеwарт кавер қилганидан кейин глобал миқёсда хитга айланган. Таронада Стеwартдан бошқа ўндан ошиқ хонанда ва мусиқий гуруҳ кавер қилган.
| „Саилинг“ | ||||
|---|---|---|---|---|
| Сутҳерланд Бротҳерс сингли | ||||
| Б томон | „Wҳо'с Cрйинг Ноw“ | |||
| Чиқарилган санаси | 1972-йил июн | |||
| Лейбл | Исланд Реcордс | |||
| Қўшиқ муаллиф(лар)и | Гавин Сутҳерланд | |||
| Продюсер(лар) | Муфф Wинwоод | |||
| Сутҳерланд Бротҳерс сингллари хронологияси | ||||
| ||||
| ЁуТубеда | ||||
| „Саилинг“ („Сутҳерланд Бротҳерс“) ЁуТубеда | ||||
| „Салининг“ (Роб Стеwарт) ЁуТубеда | ||||
Қўшиқни „Сутҳерланд Бротҳерс“ гуруҳини тузган икки ака-ука — Гавин ҳамда Иаин Сутҳерландлар 1972-йилнинг июнида басталаган ва студияда ёзиб олган. Сингл ўлароқ чиқарилган қўшиқ 1972-йил АҚШ хит-парададида 54-поғоначага кўтарилган. Қўшиқ гуруҳнинг „Лифебоат“ деб номланган албоми учун мўлжалланган тароналардан кейин ёзилган ва пировардида албомнинг АҚШ версиясига киритилган, аммо халқаро версиясига кирмай қолган. Буюк Британияда эса 1976-йил „Саилинг“ албоми билан эълон қилинган.
Стеwарт ижросидаги кавер
Род Стеwарт ижросидаги кавер хонанданинг 1975-йил эълон қилинган „Атлантиc Cроссинг“ номли олтинчи студиявий албомига киритилган. Мазкур версия 1975-йилнинг сентябрида Буюк Британия хит-парадида тўрт ҳафта давомида биринчи поғонани эгаллаб турган. Тарона Стеwарт ижросидаги қўшиқлар орасида энг бозори чаққон синглдир: 2012-йил хонанда ижросидаги кавер 1,12 миллион ададда сотилгани хабар қилинган[1]. Шунингдек, қўшиқ Ирландия, Нидерландия, Норвегия хит-парадларида биринчи, Австралия, Жанубий Африка ва Швейсарияда иккинчи, Янги Зеландияда учинчи, Германияда тўртинчи, Австрияда эса еттинчи поғонага кўтарилган. Стеwарт ижросидаги кавер учун 1975-йилда Дублинда, 1978-йилда Ню-Ёркда клип олинган. 1978-йилги клип „МТВ“ телеканали 1981-йилда ўз фаолиятини бошлаши ортидан эфирга узатилган илк клипларнинг биридир[2].
Бошқа версиялар
„Саилинг“ қўшиғини бошқа хонадалар ва мусиқий гуруҳлар ҳам кавер қилган. Хусусан, ашулани Жоан Баэз („Блоwинъ Аwай“ албоми, 1977), Рогер Wҳиттакер („Wҳиттакер Сингс тҳе Ҳиц“ албоми, 1978), „Бротҳерҳоод оф Ман“ гуруҳи („20 Нумбер Оне Ҳиц“ албоми, 1980), тҳе Нолан Систерс гуруҳи („20 Гиант Ҳиц“ албоми, 1978), „Смокиэ“ гуруҳи, („Унcоверед Тоо“ албоми, 2002) ҳамда Вера Лйннлар ижро этган. 1976-йилда инглиз гитарачиси Робин Троwер бас-гитарачи Жамес Деwар билан ҳамкорликда „Лонг Мистй Дайс“ албоми учун „Саилинг“ қошиғини каверини ёзган. Франсуз қўшиқчиси Жоэ Дассин эса қўшиқни „Ма мусиқуэ“ номи билан франсуз тилида куйлаган.
Манбалар
- ↑ Ами Седгҳи.. „УК'с миллион-селлинг синглес: тҳе фулл лист“. Тҳе Гуардиан (2012-йил 4-ноябр). Қаралди: 2022-йил 25-июл.
- ↑ „МТВ флашбаcк: Род Стеwарт'с Саилинг“. Ниппертоwн (2011-йил 1-август). Қаралди: 2022-йил 25-июл.
Ҳаволалар
- „Салининг“ ЁуТубеда („Сутҳерланд Бротҳерс“)
- Роб Стеwарт ижросидаги кавер ЁуТубеда