Salavk I Nikator sahifasining manbasini koʻrish

'''Salavk I Nikator''' ([[yunon tili|yun.]] Seleukos Nikator — „Muzaffar“) ([[mil. av. 358]]/ [[mil. av. 354|354]]—[[mil.av. 281|281]]/[[mil. av. 280|280]]) — [[Salavkiylar davlati]] va [[Salavkiylar|sulolasi]] asoschisi. [[Makedoniya]]lik mashhur Antioxning oʻgʻli. 326-yil [[Aleksandr]]ning [[Hindiston]]ga qilgan yurishlarida mashhur [[sarkarda]] sifatida nom chiqardi. Aleksandr oʻlgandan keyin uning safdoshlari ([[diadoxlar]]) bilan [[taxt]] uchun shafkatsiz kurash olib bordi. Miloddan avvalgi 321-yil [[Bobil]] [[satraplik|satrapligi]]ni boshqarish unga topshirilgan. Miloddan avvalgi 312-yilga kelib („salavkiylar erasi“ning boshlanishi) bu yerda mustahkam oʻrnashib olgach, [[Midiya]], [[Suza|Suziana]] va [[Fors]]iya (Persida)ni, keyinchalik [[Baqtriya]]ni ham oʻz mulkiga qoʻshib oldi va oʻzini shoh deb eʼlon qildi. Taxminan miloddan avvalgi 305-yilda Hindistonga muvaffaqiyatli yurish qildi, lekin [[Gʻarb]]dan tashvishli xabar olgandan soʻng, hind shohi [[Chandragupta]] bilan 500 [[fillar|fil]] evaziga sulh tuzdi va egallab olgan hududni qaytarib berdi. Ipsdagi jang ([[mil. av. 301-yil]]) natijasida (diadoxlar oʻrtasida yer boʻlinganda) [[Mesopotamiya]] va [[Suriya]]ni oldi. Mil. avv 281-yil [[Lisimax]]ni tormor qilib [[Kichik Osiyo]]ning deyarli hamma hududini egallab oldi. Salavk I Makedoniyaning [[podsho]]si boʻlish maqsadida Frakiya va Makedoniya tomon yurish boshlagan. Lekin, [[Ptolemey Lag]]ning oʻgʻli Ptolemey Keravn tomonidan oʻldirilgan. Salavk I 70 ga yaqin shaharga asos solgan. Bu shaharlar Salavkiylar davlatining tayanchiga aylangan.<ref>[[OʻzME]]. Birinchi jild. Toshkent, 2000-yil</ref>

== Manbalar ==
{{manbalar}}

{{OʻzME}}

{{Salavkiylar davlati hukmdorlari}}

[[Turkum:Kishilar]]
[[Turkum:Osiyo tarixi]]


{{chala}}