Sarob Fayyiy sahifasining manbasini koʻrish

'''Sarob Fayyiy''' (arabcha: سروب فايي — Sarob Fayyiy) — [[roviy]].

Sarob Fayyiy IX asrning birinchi yarmida yashab oʻtgan. Fayyiy nisbasi [[Ishtixon]]ga qarashli qishloqlardan biri boʻlgan "Fay"dan yasalgan [[qishloq]] [[Ishtixon]] va [[Kushoniya]] oraligʻida joylashgan. Abu Saʼd Idrisiy oʻzining „Kitob al-kamol“ ("Mukammal asar") nomli kitobida shunday keltiradi: „Menga Sarob Fayyiy [[muhaddis]] Muhammad ibn Ismoil Buxoriydan [[hadis]] aytdi (yoki Muhammad ibn Ismoil Buxoriy haqida gapirdi). Nazarimda, Sarob Fayyiy Muhammad ibn Ismoil Buxoriydan oldin vafot etgan boʻlsa kerak, vallohu aʼlam“.
== Ustozi ==
U dastlabki taʼlimni ona qishlogʻi Fayydagi olimlardan olgan. Keyinchalik [[Buxoro]] shahriga borib, muhaddis, [[Abu Abdulloh Muhammad ibn Ismoil Buxoriy]]dan hadis ilmi sir-asrorlarini oʻrgangan va u zotdan hadislar rivoyat qilgan.
== Shogirdlari ==
Sarob Fayyiydan [[zohid]] Abu Abdurahmon Abdulloh ibn Sahl va [[Shayx]] Muhammad ibn Hasan Samarqandiy kabi olimlar taʼlim olgan va hadislar rivoyat qilgan.
== Rivoyat qilgan hadis ==
Najmiddin Umar Nasafiyning „Al-qand fiy zikri ulamoi Samarqand“ [[kitob]]ida Sarob Fayyiyning Muhammad ibn Ismoil Buxoriydan [[rivoyat]] qilgan quyidagi hadis keltirilgan: Sarob Fayyiy: Men Muhammad ibn Ismoil Buxoriydan eshitdim, — dedi. U: Men Ali ibn Madiniydan eshitdim, — dedi. U: Men Sufyon ibn Uyaynadan eshitdim, — dedi. "U: Albatta, Alloh taolo iymondan oldin ilmga buyurdi. Alloh taolo shunday marhamat qiladi:
'''"Bas, bilgin: Allohdan oʻzga ibodatga sazovor zot yoʻq"'''<ref>Qurʼoni karim maʼnolarining tarjima va tafsiri. Tarjima va tafsir muallifi [[Shayx]] Abdulaziz Mansur — T.: TIU, 2007. „Muhammad“ surasi 19-oyat.</ref>, — dedi<ref>Najmiddin Umar ibn Muhammad ibn Ahmad Nasafiy. Al-qand fiy zikri ulamoi Samarqand. — Tehron, 1999. 232.</ref>.
Ushbu oyatdagi Alloh taoloning „Bilgin“ deb xitob qilishi aqida masalasida bilim zarurligiga taʼkiddir. Bu ishda koʻr-koʻrona taqlid foyda bermaydi. Demak, "[[Alloh]]dan oʻzga ibodatga sazovor iloh yoʻq", — deb etiqod qilish, albatta, bilim asosida boʻlishi maqsadga muvofiq boʻladi<ref>Isaev Y., Abbosov A. Ishtixoniy allomalar. Imom Buxoriy xalqaro markazi. 2016. 70.</ref>.
== Manbalar ==
{{manbalar}}

[[Turkum:Muhaddis]]
[[Turkum:Roviylar]]
[[Turkum:Samarqandlik allomalar]]