Saydam soyligi

Сайдам сойлиги - Хитойдаги тектоник ботиқ. Узунлиги 700 км, эни 300 км гача, бал. 2600–2900 м. Наншан, Кунлун, Олтинтоғ тоғлари ўраб туради. Туби текис. Иқлими кескин континентал, қуруқ. Январнинг ўртача температураси —11° дан —15° гача, июлники 15—18°. Йиллик ёғин 25–50 мм, шарқида 150 мм гача. Майда шўр кўл кўп. Сайдам сойлигининг аксари қисми тошлоқ, қумли, гилли чўл, чала чўл ва шўрхокдан иборат. Шим.-ғарбий кисми денудацион текислик, жан.-шарқи аккумулятив текислик. Ўсимлик кам. Тоғ этакларида қамиш, бошоқлилар, юлғун, жузғун ўсади. Нефт ва ош тузи конлари бор.