Sayfuddin Hodiyev

Сайфуддин Ҳодиев (1950.4.8, Китоб тумани) — спортчи, самбо бўйича 2 карра Жаҳон чемпиони (1974, Улан-Батор; 1975, Минск), Ўзбекистонда хизмат кўрсатган мураббий (1983), Ўзбекистон Республикасида хизмат кўрсатган спортчи (1992).

Ҳодиев самбонинг 48 ва 52 кг вазн тоифаларида бир неча марта Ўзбекистон чемпиони (1968 — 72), шунингдек, эркин кураш бўйича спорт устаси (1968), Ўзбекистон чемпиони (1968—72), дзудо бўйича спорт устаси (1973), халқаро мусобақа ғолиби (1983, Олмалиқ).

Ҳодиев Ўзбекистон жисмоний тарбия институти (1972), Тошкент университетининг юридик факултетини (1983) тугатган. Сайфуддин Ҳодиев Китоб туманида спорт мураббийси (1972—73), ҳарбий хизматчи (1973—80), Ўзбекистон давлат жисмоний тарбия ва спорт қўмитасида бош мураббий (1980—89), Тошкент шаҳар адвокатурасида адвокат (1994-йилдан).