Sayfuddin Tursunov

Сайфуддин Юнусович Турсунов (1939.28.2, Андижон вилояти Избоскан тумани Пойтуғ қишлоғи) — терапевт олим, Ўзбекистонда хизмат кўрсатган фан арбоби (1990), тиббиёт фанлари доктори (1981), профессор (1983). Андижон тиббиёт институтини тугатган (1962). Ички касалликлар пропедевтикаси кафедрасида ординатор (1962—64), ассистент (1964—68), курс мудири (1968—70), кафедра мудири (1975—98), педиатрия факултети терапия кафедраси мудири (1970—72), госпитал терапия кафедраси доценти (1972—73), эндокринология кафедраси курс мудири (1973—75), 1998-йилдан ички касалликлар пропедевтикаси кафедраси мудири. Илмий фаолияти юрак, қонтомир касалликларининг келиб чиқиш сабабларини ўрганиш, уларнинг олдини олиш ва асоратларини йўқотишга оид. Т. профилактик (привентив) кардиология мактаби асосчиси. Т. дарслик, ўқувметодик қўлланмалар муаллифи.