Septik shok
Септик шок — оғир юқумли касалликларнинг ҳаёт учун хавфли асорати бўлиб, бу кислород ва бошқа моддаларни тўқималарга этказиб беришни бузадиган ва полиорган етишмовчилиги синдромининг ривожланишига олиб келадиган тўқималарнинг перфузиясининг пасайиши билан тавсифланади, Септик шок кўпинча болаларда, иммунитети суст одамларда, кексаларда ва абортлардан кейин учрайди. Ўлим эҳтимоли 25 % ни ташкил қилади[1].
Септик шок диагностикаси мезонлари
Септик шок дистрибютор (дистрибутив) шокнинг кичик синфи бўлиб, бу ҳолатда микросиркулайтор қон томирларда қон оқимининг патологик тақсимланиши тана тўқималарининг қон билан ноадекват таъминланиши, ишемия ва полиорган етишмовчилигига олиб келади.
Септик шокни инфузион терапия ўтказилишига қарамай бартараф этилмайдиган доимий септик келиб чиқишга эга гипотензия сифатида аниқлаш мумкин[2].
Септик шок — бу тизимли яллиғланишли реаксия синдроми (СЙРС) нинг организм маҳаллий инфексияни тўхтата олмаганида ривожланадиган босқичидир. Яллиғланиш жараёнида яллиғланиш медиаторларининг кўплаб ажралиши яққол вазодилатацияга, қон босимининг ва натижада тўқималарнинг перфузион босимининг пасайишига олиб келади, бу тўқималарнинг гипоксиясига ва полиорган етишмовчиликка олиб келади.
Амалдаги кўрсатмаларга кўра, сепсис тизимли намоён бўлувчи белгилар билан боғлиқ юқумли касаллик (шубҳали ёки тасдиқланган) сифатида аниқланади[2]. Ушбу белгиларга қуйидагилар киради:
- Тахипноэ нафас олишлар сони > 20 марта/дақ ёки ПаCО2 32 ммҲг уст. дан паст.
- Лейкоцитлар сони 12×109/л дан ошган ёки 4×109/л дан пастроқ;
- Тахикардия юрак уриши 1 дақиқада 90 дан ортиқ;
- Тана ҳарорати > 38,0°C ёки <36,0°C;
Тизимли шок юқорида кўрсатилган симптомлар ва сепсис келтириб чиқарган доимий ўтиб кетмайдиган гипотензия - систолик босим 90 мм Ҳг уст дан паст бўлганда, ўртача артериал босим 70 мм Ҳг уст дан паст ёки сепсис туфайли қон босимининг 40 мм Ҳг уст гача пасайишида ва бошқаларда[2] ташхис қилинади.
- Абортдан кейин келиб чиқувчи септик шок
Септик шок аборт тугагандан сўнг дарҳол организмнинг бактериал инфексияга жавоби сифатида пайдо бўлади. Одатда инфексия локализацияланган бўлади, аммо агар у қон оқимига кирса, у ҳолда сепсис пайдо бўлади. Сепсисда қон босими кескин пасаяди, бу септик шокга олиб келади.
Агар шок уй шароитида мустақил аборт қилиш натижасида юзага келган бўлса, манбани олиб ташлаш учун тўлиқ гистеректомия талаб қилиниши мумкин.
Шунингдек қаранг:
- ↑ Кумар, Винай; Аббас, Абул К.; Фаусто, Нелсон; & Митчелл, Ричард Н. (2007). Роббинс Басиc Патҳологй (8тҳ эд.). Саундерс Элсевиэр. пп. 102—103 ИСБН 978-1-4160-2973-1
- ↑ 2,0 2,1 2,2 Сурвивинг Сепсис Cампаигн: Интернатионал гуиделинес фор манагемент оф севере сепсис анд септиc шоcк: 2012 // Андоза:Нп3. — ДОИ:10.1097/CCМ.0б013э31827э83аф. — ПМИД 23353941. Архивировано 2-феврал 2015-йил.