Sergey Diomidov
Сергей Викторович Диомидов (русча: Сергей Викторович Диомидов; 1943-йил 9-июл, Тўркўл, Қорақалпоқ Автоном Совет Социалистик Республикаси, Ўзбекистон ССР) – совет гимнастикачиси, Олимпия ўйинларининг икки карра кумуш ва бронза медали совриндори. СССРда хизмат кўрсатган спорт устаси (1966)[1]. ССКА спорт фахрийлари кенгаши аъзоси[2].
| Сергей Диомидов | |
|---|---|
 Сергей Диомидов 1966-йил | |
| Шахсий маълумотлари | |
| Жинси | эркак |
| Таваллуд санаси |
1943-йил 9-июл Тўрткўл, Қорақалпоқ Автоном Совет Социалистик Республикаси, Ўзбекистон ССР |
| Бўйи | 172 см |
| Вазни | 72 кг |
| Спорт | |
| Мамлакат |
 СССР |
| Қайси спорт | Спорт гимнастикаси |
Биографияси
Сергей Викторович Диомидов 1943-йил 9-июлда Қорақалпоқ Автоном Совет Социалистик Республикаси Тўркўл шаҳрида туғилган[3][4].
Сергей Диомидов мактаб ўқувчилигиданоқ спорт гимнастикасига қизиқиб қолган. 1960-йилда 16 ёшида „Динамо“ спорт жамиятининг Бутуниттифоқ чемпионатида спорт устаси қўйилҳан талабни бажаради. Тошкент шаҳридаги 2-ўрта мактабни тугатгач, ҳарбий хизматга чақирилади, хизмат даврида ҳам спорт гимнастикаси билан шуғулланишни давом эттиради[4].
1956—1967-йилларда Сергей Диомидов Тошкентда Р. Г. Саркисов мураббийлигида спорт гимнастикаси билан шуғулланган, „Динамо“ спорт жамияти ва Ўзбекистон армия спорт клубида (СКА) таркибида мусобақаларда иштирок этган, 1962-йилдан 1974-йилгача мамлакатнинг асосий армия клуби шарафини ҳимоя қилган[4]. Ҳозирда Москвада истиқомат қилади[5].
Спортдаги фаолияти
Токиодаги 1964-йил ХВИИИ ёзги Олимпия ўйинларида Сергей Диомидов жамоавий баҳсларда кумуш медални қўлга киритган. Тўрт йил ўтгач, 1968-йил ёзги Олимпия ўйинларида Сергей Диомидов жамоа билан яна ўз муваффақиятини такрорлайди, шунингдек, таянч сакрашда япониялик Юкио Эндо ва ўз ҳамюрти Михаил Воронинга ютқазиб, бронза медалини қўлга киритган[6].
1965-йилги Европа чемпионатида 4 та бронза, 1966-йилги жаҳон чемпионатида олтин ва кумуш, кейинги чемпионатда эса яна кумуш медални қўлга киритган.
1964-йилда Сергей Диомидов жаҳонда биринчи бўлиб олдинга бир силтанишда 360 градуслик айланишни амалга оширади ва кейинчалик бу ҳаракат унинг номи билан „Диомидов айланиши“ деб аталди. Сергей Диомидов Россия Бадиий академиясининг академиги Дмитрий Жилинскийнинг „СССР гимнастикачилари“ картинасида тасвирланган.
1970-йилда спортдаги фаолиятини якунлаган[7].
Ютуқлари
Спорт гимнастикаси бўйича Олимпия ўйинлари кумуш медали совриндори (1964, 1968), олимпия ўйинлари бронза медали совриндори (1968), спорт гимнастикаси бўйича жаҳон чемпиони (1966), жаҳон чемпионати кумуш медали совриндори (1966, 1970), жаҳон чемпионати бронза медали совриндори (1965), спорт гимнастикаси бўйича СССРнинг мутлақ чемпиони (1965, 1969), СССР чемпиони (1966, 1970)[3].
Манбалар
- ↑ „ДИОМИДОВ СЕРГЕЙ ВИКТОРОВИЧ“. 2024-йил 15-июнда асл нусхадан архивланган. Қаралди: 2023-йил 26-октябр.
- ↑ „С днём рождения, Сергей Викторович Диомидов!“ (2018-йил 9-июл).[сайт ишламайди]
- ↑ 3,0 3,1 „Диомидов Сергей Викторович“.[сайт ишламайди]
- ↑ 4,0 4,1 4,2 „В день рождения ЗМС СССР, ЗТ РСФСР Диомидова Сергея Викторовича - "Легенды отечественной спортивной гимнастики"“ (2023-йил 9-июл).
- ↑ „Сергеей Викторович Диомидов // Энциклопедия отечественного спорта (Российская империя – Советский Союз – Российская Федерация) в 3-х томах“.
- ↑ „Сергей Диомидов“. спорц-референcе. 2020-йил 17-апрелда асл нусхадан архивланган.
- ↑ „ДИОМИДОВ Сергей Викторович“.