Сергей Иванович Рахманин (украинча: Сергій Іванович Рахманін; 1969-йил 17-апрел, Харков) — украиналик сиёсатчи, журналист, публицист ва телебошловчи. „Зеркало недели“ газетаси бош муҳаррири ўринбосари[1]. 9-чақириқ Украина халқ депутати[2][3]. Олий Рада миллий хавфсизлик, мудофаа ва разведка қўмитаси аъзоси.

Сергей Иванович Рахманин
Шахсий маълумотлари
Таваллуди 1969-йил 17-апрел (1969-04-17) (57 ёш)
Харков, Украина ССР, СССР
Сиёсий партияси Голос
Таълим Киев университети
Касби журналист, публицист, бошловчи
Фаолияти сиёсат

Биографияси

Тарас Шевченко номидаги Киев Миллий университетининг журналистика факултетини тамомлаган. Рахманин „Утро“ журналида мухбир бўлиб ишлаган ва Киевдаги „Молодая гвардия“ газетасининг мустақил мухбири бўлган. 1992-йилдан 1998-йилгача „Киевскиэ ведомости“ газетаси репортёри, мухбири, махсус мухбири, сиёсат таҳририяти муҳаррири ўринбосари, сиёсат таҳририяти муҳаррири, бош муҳаррири ўринбосари. 1998-йил октябр ойидан „Зеркало Недели“ газетаси сиёсат бўлими муҳаррири. 2001-йил сентябр ойидан Журналистлик этикаси бўйича Бутунукраин комиссиясининг аъзоси[4]. 2001-йилда „Хартия-4“ жамоат ташкилотига асос солган. 2014-йилдан 2019-йилгача ЗИК телеканалида „Игра в классику“ дастурининг бошловчиси, 2018-йилдан Радио НВда „Апокриф“ дастурининг бошловчиси[4]. Сергей Рахманин „Демократия бешигини тебратган қўллар“ (Руки, качающие колыбель демократии, 2002) китобининг муаллифи. „Незалежність. Український варіант“ ҳужжатли филми (2003) ссенарийси муаллифи.

Сиёсий фаолияти

2019-йилги парламент сайловида „Голос“ партиясидан халқ депутатлигига номзод, рўйхатда 8-ўринда бўлган[5]. Сайлов пайтида якка тартибдаги тадбиркор, „Голос“ партияси аъзоси. Киевда яшайди деб кўрсатилган[6]. 2020-йилги маҳаллий сайловлар пайтида Транскарпатиядаги „Голос“нинг сайлов кампаниясини бошқарган[7]. „Голос“ партиясининг парламентдаги фраксияси раиси[8]. Олий Рада миллий хавфсизлик, мудофаа ва разведка қўмитаси аъзоси[9]. Европада хавфсизлик ва ҳамкорлик ташкилоти Парламент ассамблеясидаги доимий делегация аъзоси.

Оиласи

Хотини Кира Юревна Ивашова, икки қизи: Варвара (1996) ва Юстина (2005) бор.

Мукофотлари

Бутунукраин журналистика фестивали лауреати (1997), „Йил одами — 99“ миллий дастурининг „Йил журналисти“ номинацияси ғолиби, Бутунукраин журналистика фестивали ғолиби (1999), „Йил одами — 97“, „Йил одами — 2001“ дастурлари лауреати, „Журналист фикри“ танлови ғолиби (2001), „Журналист фикри“ танлови лауреати (2002), „Золотоя копита“ („Олтин туёқ“) биринчи умумукраин сиёсий сатира танлови лауреати (2002), Журналистикадаги ютуқлари учун Александр Кривенко номидаги мукофот совриндори бўлган (2004). „Дебют“ номинациясида Телетриумф мукофоти совриндори бўлган (2008)[10].

Манбалар

  1. ↑ „Сергій Рахманін“ (ук). УА: Первый. 2016-йил 27-октябрда асл нусхадан архивланган. Қаралди: 2019-йил 24-ноябр.
  2. ↑ „Фракция Голоса в Верховной Раде (СПИСОК)“. ИCТВ (2019-йил 20-сентябр). 2019-йил 13-декабрда асл нусхадан архивланган. Қаралди: 2019-йил 24-ноябр.
  3. ↑ „Рахманин объяснил мирный план "Голоса" на примере Корей и Германии“. Украинская правда (2019-йил 13-ноябр). 2019-йил 14-ноябрда асл нусхадан архивланган. Қаралди: 2019-йил 24-ноябр.
  4. ↑ 4,0 4,1 „Рахманін Сергій Іванович“ (ук). Чесно. 2021-йил 22-апрелда асл нусхадан архивланган. Қаралди: 2019-йил 24-ноябр.
  5. ↑ Анастасия Кореновская. „Журналист Сергей Рахманин присоединился к партии Вакарчука“. Громадское телевидение (2019-йил 8-июн). Қаралди: 2019-йил 24-ноябр.
  6. ↑ „Відомості про кандидата в народні депутати України“ (ук). ЦИК Украины. 2019-йил 16-июлда асл нусхадан архивланган. Қаралди: 2019-йил 24-ноябр.
  7. ↑ „Кира Рудык: Порошенко для нас больший политический враг чем Зеленский. Потому что президент не пытается нас так сильно «обнять»“. Украинская правда (2020-йил 6-август). 2020-йил 6-августда асл нусхадан архивланган. Қаралди: 2020-йил 6-август.
  8. ↑ „Разумков назвал фамилии председателей фракций“. Депо.уа (2019-йил 29-август). 2019-йил 31-августда асл нусхадан архивланган. Қаралди: 2019-йил 24-ноябр.
  9. ↑ „Рада утвердила руководство и состав комитетов (список членов)“. КиевВласть (2019-йил 30-август). 2020-йил 4-февралда асл нусхадан архивланган. Қаралди: 2019-йил 24-ноябр.
  10. ↑ „Лауреаты премии «Телетриумф-2008» (список из 20 номинаций)“. УНИАН (2008-йил 29-август). 2021-йил 27-февралда асл нусхадан архивланган. Қаралди: 2019-йил 24-ноябр.