Sergey Revin
Сергей Николаевич Ревин (1966-йил 12-январда Москвада туғилган) россиялик космонавт. 1996-йилда танланган ва 1998-йилда космик парвозлар бўйича тайёргарликни тугатган[1]. У 2012-йил 15-майда биринчи космик парвозини амалга оширган ва Халқаро космик стансияда экипаж аъзоси бўлиб ишлаган. 2012-йил 17-сентабрда қайтиб келган.
| Сергей Николаевич Ревин | |
|---|---|
 | |
| Таваллуди | 1966-йил 12-январ |
| Касби | Россия Ҳарбий ҳаво кучлари подполковниги |
| Миллати | Рус |
| Космик карера | |
Космосдаги вақт |
124 кун 23 соат 52 дақиқа |
| Танлаш | 1996 |
| Миссиялар | Союз ТМА-04М (Эхпедитион 31/32) |
Миссия белгиси |
  |
Шахсий ҳаёт
Ревин Ирина Сетянова билан турмуш қурган ва 2000-йилда туғилган Ярослав исмли бир ўғли бор. У туризм, чанғи ва сув чанғиси, ҳаво шарларида учиш, фото ва видеотасвирга тушишни яхши кўради[2].
Та'лим
Ревин 1989-йилда Москва электрон технологиялар институтини тамомлаган ва муҳандис-физик малакасини олган. У Москва гуманитар университетининг аспирантурасида таҳсил олган. 2013-йилда педагогика фанлари номзоди илмий даражасини олган.
Тажриба
Ўқишни тугатгандан сўнг Ревин 1989-йилдан 1993-йилгача Калининграддаги ўлчаш ускуналарини ишлаб чиқариш бўйича НПО ИТ ташкилотида муҳандис бўлиб ишлаган. 1993-йил 30-августдан 1996-йил апрелгача Сергей Королев номидаги НПО-Энергия компаниясида муҳандис бўлиб ишлаган.
Космонавт фаолияти
1996-йил апрел ойида Ревин НПО-Энергиа космонавтлар корпусига синов космонавт номзоди сифатида қабул қилинди. 1996-йил апрелдан 1998-йил июнгача у асосий космик тайёргарлик курсидан ўтди. 1998-йил 17-июнда Идоралараро малака кенгаши унга синов космонавти малакасини берди.
1998-йил июлидан 2011-йил январигача Энергиа ракета-космик корпорациясининг синов космонавти бўлган. 2011-йил январ ойидан Гагарин номидаги космонавтларни тайёрлаш марказининг синов космонавти. 1998-йил октабрдан 2011-йил апрелгача у Халқаро космик стансия дастури бўйича ихтисослашган малака ошириш курсини ўтаган. 2011-йил апрел ойидан бошлаб Союз ТМА борт муҳандиси ва ИСС борт муҳандиси сифатида ихтисослашган экспедиция 29/30 захира экипаж а'зоси сифатида ўқиди.
2017-йил апрел ойида Ревин тиббий сабабларга кўра космонавтларни тайёрлаш марказидан четлаштирилди[3].
Экспедиция 31/32
Ревин ИССнинг узоқ муддатли экспедицияси 31/32 миссияларида парвоз муҳандиси сифатида хизмат қилган. У 2012-йил 15-майда Союз ТМА-04М экипаж аъзолари Геннадий Падалка ва НАСА астронавти Жо Аcаба билан бирга Союз ТМА-04М космик кемасида учирилган[4]. Ревин ва унинг ҳамкасбларидан иборат ТМА-04М экипажи 17-май куни УТC вақти билан соат 4:36 да Халқаро космик стансияга туташди[5]. Ревин Падалка ва Аcаба билан биргаликда 2012-йил 17-сентабрда Қозоғистонга қўнди.
Манбалар
- ↑ НАСА. „Префлигҳт Интервиэw: Сергеи Ревин“. НАСА (20-март 2012-йил). 2012-йил 18-апрелда асл нусхадан архивланган. Қаралди: 2022-йил 24-июн.
- ↑ НАСА. „РЕВИН СЕРГЕИ НИКОЛАЕВИCҲ“. НАСА (2012-йил 1-январ). Қаралди: 5-май 2012-йил.
- ↑ „Роскосмос исключил из отряда трех космонавтов“ (ру). ТАСС. Қаралди: 2017-йил 24-апрел.
- ↑ Албанесиус, Члоэ. „3 Союз Астронауц Бласт Офф фор Спаcе Статион“. ПC Магазине (15-май 2012-йил). Қаралди: 15-май 2012-йил.
- ↑ Ҳарwоод, Wиллиам. „Тҳреэ-ман cреw доcкс ат Интернатионал Спаcе Статион“. Спаcефлигҳт Ноw (17-май 2012-йил). 2012-йил 19-июнда асл нусхадан архивланган. Қаралди: 17-май 2012-йил.