Sergey Vavilov

Сергей Иванович Вавилов [1891.12(24).3 — Москва — 1951.25.1] — рус физиги, жамоат арбоби. Физик оптика илмий мактаби асосчиси, собиқ Иттифоқ ФА акад. (1932) ва президенти (1945 й. дан). Катта совет энсиклопедияси (БСЕ) 2-нашри бош муҳаррири (1949 й. дан). Н. И.Вавиловнинг укаси. В. люминессенсия — ёруғлик туширилган баъзи моддаларнинг узоқ ёруғланишини ўрганган, ёруғлик техникасида кенг қўлланиладиган кундузги ва оқ ёруғлик сочадиган люминессент лампалар и. ч. технологиясини ишлаб чиққан. В. ёруғликнинг квант флуктуацияларинм топишга доир нозик тажрибалар ўтказиб, ёруғликнинг квант табиатини яққол исботлаган. П. А. Черенков билан бирга Черенков — Вавилов нурланиши деб номланган янги физик ҳодисани кашф этган. В. физика тарихи бўйича йирик мутахассис ҳисобланади, хусусан И. Нютоннинг оптикага оид барча ишларини рус тилига таржима қилган ва унинг энг яхши биографияларидан бирини ёзган. В. фан тарғиботчиси. "Кўзлар ва Қуёш", "Иссиқ" ва "Совуқ", "Ёруғлик ҳақида" номли илмий оммабоп китоблар муаллифи.

Адабиётлар

• ЎзМЕ. Биринчи жилд. Тошкент, 2000-йил